নেশ্যনেল ডেস্ক, ২৩ ডিচেম্বৰ: মংগলবাৰে উত্তৰাখণ্ড উচ্চ ন্যায়ালয়ে ডেৰাডুনৰ জিলা ন্যায়াধীশ প্ৰশান্ত জোশীক নিলম্বন কৰে । চৰকাৰী নিয়মবিৰোধী অভিযানৰ পাচত নিলম্বন কৰে জোশীক । ঘটনা সন্দৰ্ভত জানিব পৰা অনুসৰি জোশীয়ে তেওঁৰ চৰকাৰী কাম-কাজ সম্পাদন কৰিবলৈ আত্মীয় এগৰাকীৰ ব্যক্তিগত বাহন ব্যৱহাৰ কৰিছিল । তাৰ পাচতে ২২ ডিচেম্বৰত মুখ্য ন্যায়াধীশ ৰবি কুমাৰ মলিমঠৰ নিৰ্দেশমৰ্মে জোশীক নিলম্বন কৰা হয় ।
তেওঁৰ বিৰুদ্ধে পৰৱৰ্তী শুনানি পৰ্যন্ত ৰুদ্ৰপ্ৰয়াগস্থিত জিলা ন্যায়াধীশৰ মুখ্য কাৰ্যালয়ৰ সৈতে সংযোগ স্থাপন কৰিব লাগিব আৰু উচ্চ ন্যায়ালয়ৰ অনুমতি অবিহনে উক্ত চহৰৰ পৰা আন চহৰলৈ যাব নোৱাৰিব । জোশীক উচ্চ ন্যায়ালয়ে নিলম্বন কৰে যদিও তেওঁৰ মাহিলা পাৰিশ্ৰমিকৰ আধা অংশ লাভ কৰিব ।
ইয়াৰ মাজতে ৰাজ্যখনৰ সঞ্চালক জি কে শৰ্মা, উত্তৰাখণ্ড ন্যায়িক আৰু আইনী একাডেমী (প্ৰক্ৰিয়া)ৰ ভূৱালীকে ধৰি পাঁচগৰাকীকৈ ন্যায়াধীশক বদলিকৰণ কৰে । তেওঁলোকৰ পদত চি পি বিজলৱান, খাদ্য সুৰক্ষা বিভাগৰ ন্যায়াধীকৰণ, ডেৰাডুন জিলা আৰু সত্ৰ ন্যায়াধীশকে ধৰি চাৰিগৰাকীকৈ ন্যায়াধীশক উত্তৰাখণ্ড উচ্চ ন্যায়ালয়ত নিয়োগ কৰা হয় ।
লগতে পঢ়ক: উত্তৰ প্ৰদেশৰ সাৰ কাৰখানাত গেছ নিৰ্গত হৈ 2 জনৰ মৃত্যু
