নেশ্যনেল ডেস্ক, 28 নৱেম্বৰ : দেৰাদুনত অঘটন ৷ দেৰাদুনৰ চন্দ্ৰমণি চ’কত সংঘটিত হয় এক ভয়ংকৰ দুৰ্ঘটনা (Truck accident at Dehradun Chandramani Chowk)। সোমবাৰে পুৱা কোটৱালি পেটেলনাগ অঞ্চলত এখন অনিয়ন্ত্ৰিত ট্ৰাকে মহতিয়াই নিলে তিনি বাইক আৰোহী আৰু এজন পদপথৰ ব্যৱসায়ীক (Accident at Dehradun) ৷
এই দুৰ্ঘটনাত থিতাতে নিহত হয় এজন বাইক আৰোহী ৷ ইফালে আহত কেইজনক ততাতৈয়াকৈ চিকিৎসালয়লৈ প্ৰেৰণ কৰা হয় ৷ আনহাতে, ঘটনা সন্দৰ্ভত খবৰ দিয়া হয় আৰক্ষীক ৷ কিন্তু স্থানীয় লোকে অভিযোগ কৰে যে, খবৰ দিয়াৰ বহু সময়ৰ পাচতহে ঘটনাস্থলীত উপস্থিত হয় আৰক্ষী ৷
আৰক্ষী বহু পলমকৈ ঘটনাস্থলীত উপস্থিত হোৱাত ক্ষোভিত হৈ পৰে স্থানীয় লোক ৷ ইফালে এই দুৰ্ঘটনা সংঘটিত কৰিয়েই উক্ত স্থানৰ পৰা পলায়ন কৰে ট্ৰাকখনৰ চালক ৷ ইতিমধ্যে আৰক্ষীয়ে এই দুৰ্ঘটনা সন্দৰ্ভত আৰম্ভ কৰিছে তদন্ত ৷
লগতে পঢ়ক : Samastipur Road Accident : অনিয়ন্ত্ৰিত বাহনে মহতিয়ালে একেলগে 15 জন লোকক
