আগৰতলা, জুলাই ২৭: প্ৰৱৰ্তন সঞ্চালকালয়ে(ED) নেচনেল হেৰাল্ড দুৰ্নীতি গোচৰ সন্দৰ্ভত ভাৰতীয় জাতীয় কংগ্ৰেছৰ সভাপতি ছোনিয়া গান্ধীক মাতি অনাৰ বিৰুদ্ধে দেশৰ আন অংশৰ লগতে ত্ৰিপুৰা প্ৰদেশ কংগ্ৰেছে বুধবাৰে এক প্ৰতিবাদী কাৰ্যসূচী ৰূপায়ণ কৰে(Tripura congress protest against ED)। কংগ্ৰেছ বিধায়ক সুদীপ ৰয় বৰ্মনে প্ৰাক্তন বিধায়ক আশীষ কুমাৰ সাহাৰ সৈতে বুধবাৰে প্ৰধানমন্ত্ৰী নৰেন্দ্ৰ মোডীয়ে ৰাজনৈতিক প্ৰতিহিংসাৰ বাবে ইডি আৰু চিবিআই ব্যৱহাৰ কৰি কংগ্ৰেছ আৰু দলৰ নেতাসকলৰ বিৰুদ্ধে ষড়যন্ত্ৰ ৰচনা কৰাৰ অভিযোগ উত্থাপন কৰে (Tripura Congress MLA Sudeep Roy Varman)।
বিধায়ক ৰয় বৰ্মনে কয় যে, বিজেপিৰ মূল উদ্দেশ্য হৈছে কংগ্ৰেছ আৰু ছোনিয়া গান্ধী আৰু ৰাহুল গান্ধীৰ দৰে নেতাক হাৰাশাস্তি কৰা । দেশজুৰি হোৱা প্ৰতিবাদৰ অংশ হিচাপে ত্ৰিপুৰা প্ৰদেশ কংগ্ৰেছেও শান্তিপূৰ্ণভাৱে সত্যাগ্ৰহ কৰিছে । কেৱল কংগ্ৰেছ দলক হাৰাশাস্তি আৰু ইডিক ব্যৱহাৰ কৰি এআইচিচিৰ সভাপতি ছোনিয়া গান্ধীক তিনিবাৰ মাতি পঠোৱা হৈছে ।
তেওঁ লগতে কয় য়ে, প্ৰথম দিনাৰে পৰাই ইডিয়ে ছোনিয়া গান্ধী আৰু ৰাহুল গান্ধীক একেটা প্ৰশ্ন সুধি আছে । আনকি আজি তৃতীয় দিনাও তেওঁলোকক একেটা প্ৰশ্ন সোধা হৈছে । ছোনিয়া গান্ধী আৰু ৰাহুল গান্ধীয়ে কংগ্ৰেছ আৰু দলৰ নেতাসকলে কেতিয়াও কোনো ধন ৰপ্তানিৰ গোচৰত জড়িত নাছিল বুলি উত্তৰ দিছে । বৰং ভাৰতৰ স্বাধীনতাত গুৰুত্বপূৰ্ণ ভূমিকা পালন কৰা এখন বাতৰি কাকত পুনৰুজ্জীৱিত কৰিবলৈ তেওঁলোকে আইন অনুসৰণ কৰি এনে কৰিছিল বুলি বিধায়ক ৰয় বৰ্মনে কয় ।
লগতে পঢ়ক:DGP's Commendation Disc: ত্ৰিপুৰাত আৰক্ষী বিষয়া-চি আৰ পি এফ বিষয়ালৈ বিশেষ সন্মান
