বৰ্তমানৰ সমসয়ত মানুহৰ সততে দেখা পোৱা সমস্যা বোৰৰ ভিতৰত এবিধ অন্যতম হৈছে ইউৰিক এচিডৰ সমস্যা(Uric acid problems) । যাৰ বাবে বহু লোকেই বহু খাদ্য় গ্ৰহণ কৰিব নোৱাৰে। চিকিৎসকৰ পৰামৰ্শ অনুযায়ী নিয়মিত ঔষধৰ সেৱন কৰি থাকিব লাগে । পাছে এই ইউৰিক এচিডৰ সমস্যাৰ সমাধান আছে এবিধ বনৰীয়া শাকত । যাৰ আঞ্জা বনাই খালে সোনকালেই নিয়ন্ত্ৰণলৈ আহে এই সমস্যা(Ponounowa herb benefits) । এইবিধ শাকৰ নাম হৈছে পনৌনোৱা বা পুনৰ্ণৱা(Ponounowa for Uric acid problems) । ঠাইভেদে ইয়াৰ নাম বেলেগ বেলেগ ।
বিশ্বত এইবিধ লতা শাকৰ কমেও ৪০ বিধ মান ভিন্ন প্ৰজাতি পোৱা যায় কিন্তু ভাৰতবৰ্ষত সাধাৰণতে ইয়াৰ কেৱল চাৰিটা প্ৰজাতিহে উপলব্ধ ৷ সচৰাচৰ অসমত বগা আৰু ৰঙা এই দুই বৰণৰ পনৌনৱা শাকহে দেখিবলৈ পোৱা যায় । ইউৰিক এচিড সমস্যাত ই অতিকে উত্তম । যিসকল ব্যক্তি এই সমস্যাত ভুগি আছে তেওঁলোকে মাজে মাজে পনৌনোৱা শাকৰ আঞ্জা খালে উপকৃত হ'ব(Health benefits of Ponounowa) ৷
- ছালৰ বিভিন্ন সমস্যাতো ই উপকাৰী(Ponounowa for skin) । কাৰণ আমাৰ শৰীৰৰ পৰা অলাগতিয়াল বৰ্জিত পদাৰ্থ বা toxins নিষ্কাষণ কৰাত ই সহায় কৰে ।
- শৰীৰৰ ওজন নিয়মীয়া কৰি ৰখাতো পনৌনৱা সহায়ক ৷ এই শাক পশুৰ খাদ্য হিচাপে উত্তৰ ভাৰতত বহুতে ব্যৱহাৰ কৰে ।
- ই কলেষ্টৰল নিয়ন্ত্ৰণ কৰাতো সহায় কৰে। গতিকে হাৰ্টৰ সুৰক্ষা কৰে ।
- পনৌনৱা পেৰালাইচিচৰ চিকিৎসাতো ব্যৱহৃত হয়। এচামুচ পুননৌৱা পাউদাৰৰ সৈতে আধাচামুচ পিপলি মিহলাই খোৱালে হাঁপানি আৰু ব্ৰংকাইটিচ ৰোগ ভাল হয় ৷
- চৰ্দি, কাহ, এলাৰ্জি বা অন্যান্য শ্বাস প্ৰশ্বাস জনীত ৰোগতো ই উপকাৰী ।
- কিডনি ষ্টোন সমস্যাটো ই উপকাৰী । কাৰণ ই কিডনিৰ কার্যক্ষমতা বৃদ্ধি কৰে আৰু পেচাবৰ পৰিমাণ বঢ়ায় ।
- লিভাৰৰ বিভিন্ন সমস্যা যেনে জণ্ডিচ, ফেঁটি লিভাৰ আদিতো ই উপকাৰী ।
ক'ত ক'ত পনৌনৱা শাক পোৱা যায়:
এইবিধ শাক সাধাৰণতে গ্ৰীষ্ম প্ৰধান অঞ্চলত পোৱা যায় ৷ ভাৰতবৰ্ষত চুকে-কোণে সমুদ্ৰতলৰ পৰা ২০০০মিটাৰ উচ্চতালৈকে এই গছ দেখা যায় ৷ আন বেচিকৈ হোৱা দেশসমূহৰ নাম হ'ল- পাকিস্তান, নেপাল, ম্যানমাৰ,বাংলাদেশ, শ্ৰীলংকা, চীন, জাপান, ফিলিপাইনচ, অ'মান, চৌডি আৰব, সংযুক্ত আৰব আমীৰাট, ব্ৰাজিল,দক্ষিণ আফ্ৰিকা, মেক্সিকো, আৰ্জেন্টিনা, ফিজি আৰু কেৰিবিয়ান দ্বীপপুঞ্জ ৷
কি কি ৰাসায়নিক তত্ব ইয়াত থাকে:
এই বনশাকত এন্টিঅক্সিডেন্ট তত্ব, ভিটামিন-ই, ভিটামিন-চি, জিংক, চেলনিয়াম, উপালিপ্তিন নামৰ ফ্লেভ'নইদ, পূণাৰ্ভেৰিন নামৰ ইমিউনিটি বঢ়োৱা ৰাসায়নিক আৰু কেইবিধমান কেঞ্চাৰ প্ৰতিৰোধক তত্ব, এন্টিফাংগেল, এমিবিচাইডেল, কীটনাশক, বিষহাৰী গুণযুক্ত পদাৰ্থ থকাতো প্ৰমাণিত হৈছে ৷
লেবৰেটৰীৰ প্ৰাণীত প্ৰয়োগৰ ফলাফল কি ওলাল-
ডায়েবেটিজৰ এলোপেথিক দৰব মেটফৰমিন আৰু গ্লাইবেনক্লেমাইডৰ দৰে পুনৰ্ণৱাই ক্ৰিয়া কৰাৰ প্ৰমাণ লেবৰেটৰীৰ প্ৰাণীত দেখা গৈছে ৷ ৩০দিনৰ প্ৰয়োগত ডায়েবেটিচ থকা এন্দুৰৰ তেজৰ চুগাৰ স্বাভাৱিক হোৱা দেখা গ'ল৷ মৃগীৰ ফিট ৰোগ কৰাত ডায়েজেপামৰ দৰে সফল ৷ কৰ্কট ৰোগ বাঢ়িবলৈ আৰু বিয়পিবলৈ নিদিয়াকৈ ৰাখিব পাৰে ৷ মেলানোমা, মহিলাৰ বক্ষৰ আৰু জৰায়ুৰ কৰ্কট ৰোগৰ চিকিৎসাত এটা সময়ত ই হয়তো গুৰুত্বপূ্ৰ্ণ ভূমিকা ভবিষ্যতে পালন কৰিব পাৰিব ৷
কি কি অংশ ঔষধিৰ কামত আহে ? বজাৰত কি দৰে ই উপলব্ধ আৰু কেনেকৈ ইয়াৰ প্ৰয়োগ কৰে :
গোটেই গছ,পাত আৰু শিপা ঔষধি নিৰ্মাণত ব্যৱহৃত হয় ৷ ভাৰতবৰ্ষত সহজে উপলব্ধ এটি পেটেন্ট আয়ুৰ্বেদিক ঔষধৰ নাম হ'ল 'গ্ৰীণ পূনৰ্ণৱা' ৷ মই মেডিচিনৰ স্নাতকোত্তৰৰ ছাত্ৰ থাকোতে ইয়াৰ গুণাগুণ প্ৰসাবৰ বিকাৰ, ভৰি আৰু উদৰফুলা আদি নিৰ্দিষ্ট কেইটিমান ৰোগত প্ৰয়োগ কৰি সন্তোষজনক ফলাফল পাইছিলোঁ আৰু মোৰ পৰ্য্যবেক্ষন এখন সৰ্বভাৰতীয় পত্ৰিকাত প্ৰকাশিত হৈছিল ৷ আজিও সেইবিধ ঔষধ মই কিডনি পাথৰৰ ৰোগী আৰু ভৰি ফুলা ৰোগীক বিনা দ্বিধাই প্ৰয়োগ কৰোঁ ৷ বজাৰত চিৰাপৰ ওপৰিও গছৰ শিপা, চূৰ্ণ, কেপচুল, পিল আদিও উপলব্ধ ৷
এই শাকক কেঁচা চালাডৰ দৰে, চাহৰ দৰে নাইবা শুকান ভাজি কৰিও খাব পাৰি৷আমাৰ উত্তৰ পূৰ্বাঞ্চলৰ বহুলোকে ৰহৰ দাইলৰ সৈতে নহলে জীয়া মাছৰ সৈতে শাকৰ আঞ্জা ৰান্ধি খায় ৷
উপকাৰিতা আৰু ব্যৱহাৰিক প্ৰয়োগ:
থুলুমুলকৈ ইয়াৰ ব্যৱহাৰিক প্ৰয়োগ হোৱা অসুখ কিছুমান হ'ল- কিডনি আৰু মূত্ৰাশয়ৰ বিকাৰ, পেট-ভৰি-দেহ ফুলা, জণ্ডিচ, লিভাৰৰ অসুখ, গাঁঠিৰ বিষ (আৰ্থাইটিচ), চকুৰ অসুখ (কুকুৰীকণা,কেটেৰেক্ট,গ্লুকোমা), চৰ্মৰোগত শিপাৰে নিৰ্মিত মলম, বহুমুত্ৰ,হদৰোগ,শৰীৰৰ দূৰ্বলতা, কৰ্কট প্ৰতিৰোধক,শৰীৰৰ ইমিউনিটি বঢ়াবলৈ৷
- আয়ুৰ্বেদৰ মতে এপিয়লা গৰুৰ গাখীৰত এচামুচ পুননৌৱা পাউদাৰ ৰাতি শুবৰ সময়ত কিছুদিনলৈ খোৱালে কুকুৰীকণা ৰোগ ভাল হয় ৷
- এচামুচ পনৌনৱা পাউদাৰৰ সৈতে আধাচামুচ পিপলি(Long pepper) মিহলাই খোৱালে হাঁপানি আৰু ব্ৰংকাইটিচ ৰোগ ভাল হয় ৷
- কনজেষ্টিভ কাৰ্ডিয়াক ফেইলাৰ হৃদৰোগত পুননৌৱা,অৰ্জুন আৰু মৌজোল মিহলাই খোৱালে ৰোগৰ উপশম হয় ৷
- শৰীৰৰ ওজন নিয়মীয়া কৰি ৰখাত আৰু শৰীৰৰ প্ৰসাবৰ নিৰ্গত কৰাত পুননৌৱা সহায়ক ৷
- পনৌনৱা পেৰালাইচিচৰ চিকিৎসাতো ব্যৱহৃত হয় ৷
- এই শাক পশুৰ খাদ্য হিচাবে উত্তৰ ভাৰতত বহুতে ব্যৱহাৰ কৰে ৷
ল'বলগীয়া সতৰ্কতা :
পাছে ইয়াৰ উপকাৰিতাৰ সমানে অপকাৰিতাও দেখা যায় । ইয়াৰ অক্যধিক সেৱনে ডায়েৰিয়াৰ সমস্যা হোৱা দেখা যায় । গৰ্ভৱতী মহিলা আৰু ৮বছৰৰ তলৰ শিশুক পনৌনৱা ঔষধি হিচাবে দিয়া নাযায় ৷
লগতে পঢ়ক: OCD: সঘনাই শুনিবলৈ পোৱা OCD ৰ বিষয়ে কেতিয়াবা দকৈ ভাবি চাইছেনে ?
