নেশ্যনেল ডেস্ক,২০ মে' : অৱশেষত কৰ্ণাটকৰ মুখ্যমন্ত্ৰী হিচাপে শপত ল'ব সিদ্দাৰামাইয়াই । শনিবাৰে ডি কে শিৱকুমাৰেও উপ মুখ্যমন্ত্ৰী হিচাপে শপত ল'ব (Siddaramaiah swearing)। অনুমান কৰা হৈছে যে ২০ জনতকৈও অধিক মন্ত্ৰীয়ে সিদ্দাৰামাইয়াৰ সৈতে শপত ল'ব । ইতিমধ্যে দিল্লীত কেবিনেট চূড়ান্ত কৰা হৈছে (Swearing in of Karnataka Cabinet)।
মুখ্যমন্ত্ৰীৰ মনোনীত প্ৰাৰ্থী সিদ্দাৰামাইয়া আৰু শিৱকুমাৰ শুকুৰবাৰে দিল্লীলৈ ৰাওনা হয় । তেওঁলোকে হাইকমাণ্ডৰ সৈতে কেবিনেট সম্প্ৰসাৰণৰ বিষয়ে আলোচনা কৰে । কিন্তু সিদ্দাৰামাইয়া মন্ত্ৰীসভাত কোন কোন থাকিব ? এই সন্দৰ্ভত ৰাজনৈতিক চক্ৰত গণনা চলি আছে । ইফালে, বিধানসভা নিৰ্বাচনত পৰাজিত হোৱা প্ৰাক্তন মুখ্যমন্ত্ৰী জগদীশ শ্বেট্টাৰে শুকুৰবাৰে সিদ্দাৰামাইয়াক সাক্ষাৎ কৰে (Jagdish Shettar met Siddaramaiah)। তাৰ পাছতে তেওঁ নতুন কেবিনেটত যোগদান কৰাৰ সম্ভাৱনাক লৈ কৌতূহলৰ সৃষ্টি হৈছে ।
সিদ্দাৰামাইয়াক সাক্ষাৎ কৰাৰ পাছতে জগদীশ শ্বেট্টাৰে কয় যে মুখ্যমন্ত্ৰী বাছনি হোৱাৰ বাবে তেওঁ সিদ্দাৰামাইয়াক অভিনন্দন জনাবলৈ আহিছিল । তেওঁ আন একো আলোচনা কৰা নাই বুলিও দাবী কৰে । তেওঁ মন্ত্ৰীসভাত অংশ ল'ব নে নাই সেই সন্দৰ্ভত সোধা প্ৰশ্নৰ উত্তৰত শ্বেট্টাৰে কয় যে কংগ্ৰেছ দলৰ নেতা, হাইকমাণ্ডে লোৱা সিদ্ধান্তৰ প্ৰতি তেওঁ প্ৰতিশ্ৰুতিবদ্ধ । তেওঁ কোনো পদৰ বাবে আকাংক্ষীও নহয় বুলি শ্বেট্টাৰে স্পষ্ট কৰি দিয়ে (Jagdish Shettar in Siddaramaiah Cabinet)।
বিজেপিয়ে টিকট প্ৰদান নকৰাৰ বাবে হুবলি-ধাৰৱাড কেন্দ্ৰীয় সমষ্টিৰ বিধায়ক জগদীশ শ্বেট্টাৰে বিধায়ক পদৰ পৰা পদত্যাগ কৰিছিল । পাছত, তেওঁ কংগ্ৰেছৰ প্ৰাৰ্থী হিচাপে প্ৰতিদ্বন্দিতা কৰে আৰু নিৰ্বাচনত পৰাজিত হয় । কৰ্ণাটক বিধানসভা নিৰ্বাচনৰ প্ৰচাৰৰ সময়ত, বিজেপিয়ে লিঙ্গায়তসকলক অৱহেলা কৰি আছে বুলি তেওঁ অভিযোগ কৰিছিল । এনে পৰিস্থিতিত জগদীশ শ্বেট্টাৰ আৰু লক্ষ্মণ সাৱাদীয়ে বিজেপি ত্যাগ কৰি কংগ্ৰেছ দলত যোগদান কৰে । ইফালে চৰ্চা হৈছে যে আথানিত জয়ী হোৱা লক্ষ্মণ সাবাদীয়ে বেলগাম কোটাৰ অধীনত মন্ত্ৰীসভাত যোগদান কৰিব ।
কিন্তু জগদীশ শ্বেট্টাৰক মন্ত্ৰীসভাত অন্তৰ্ভুক্ত কৰাৰ বাবে কাৰিকৰী সমস্যা হ'ব পাৰে । শ্বেট্টাৰে মন্ত্ৰীসভাত যোগদান কৰিব পাৰিব আৰু মন্ত্ৰী হিচাপে শপত ল'ব পাৰিব । হুবলি-ধাৰৱাড কেন্দ্ৰীয় সমষ্টিত পৰাজিত হোৱাৰ পাছত তেওঁ মন্ত্ৰী হোৱাৰ ৬ মাহৰ ভিতৰত বিধান পৰিষদৰ বিধায়ক বা সদস্য হ'ব লাগিব । বৰ্তমান ৰাজ্যখনত কোনো বিধানসভা সমষ্টিৰ উপ-নিৰ্বাচন হোৱাৰ সম্ভাৱনা নাই । সেয়েহে, যদি তেওঁক মন্ত্ৰীসভাত অন্তৰ্ভুক্ত কৰা হয়, তেন্তে তেওঁ এমএলচি হিচাপে নিৰ্বাচিত হ'ব লাগিব ।
লগতে পঢ়ক :Calcutta High Court : অভিষেক বেনাৰ্জীৰ আবেদন শুনিবলৈ অস্বীকাৰ কলিকতা হাইকোৰ্টৰ
