নেচনেল ডেস্ক , 5 জুলাই : দেশৰ ভূতপূর্ব ৰাষ্ট্ৰপতি প্ৰণৱ মুখাৰ্জী(former President Pranab Mukherjee )ৰ পুত্ৰ অভিজিৎ মূখাৰ্জীয়ে সোমবাৰে তৃণমূল কংগ্ৰেছ(Trinamool Congress)ত যোগদান কৰে ৷ পূৰ্বতে কংগ্ৰেছৰ দলৰ পৰা প্ৰাৰ্থীত্ব আগবঢ়াই জাংগীপুৰ সমষ্টি(Jangipur constituency)ৰ সাংসদ হোৱাৰ লগতে একেটা দলৰ পৰাই লহাটী বিধানসভা সমষ্টিৰ পৰা প্ৰাৰ্থীত্ব আগবঢ়াই বিধায়কো হৈছিল মুখাৰ্জী ৷ সোমবাৰে এক সংবাদ মেল যোগে মমতা বেনাৰ্জীৰ নেতৃত্বাধীন তৃণমূল কংগ্ৰেছত যোগদান কৰাৰ কথা ঘোষণা কৰে দলটোৰ সাধাৰণ সম্পাদক পাৰ্থ চেটাৰ্জীয়ে ৷
তৃণমূল কংগ্ৰেছৰ সাংসদ সুদীপ বেনাৰ্জীয়ে অভিজিৎ বেনাৰ্জীক দলীয় পতাকাৰে সৈতে দললৈ স্বাগতম জনায় ৷ বিগত কিছুদিন ধৰি পশ্চিমবংগৰ ৰাজনীতিত অভিজিতে তৃণমূলত যোগদান কৰিব বুলি ওলোৱা খবৰে ৰাজ্যখনৰ ৰাজনৈতিক ক্ষেত্ৰখনত এক গৰম খবৰৰ সৃষ্টি কৰিছিল ৷ অভিজিতে এই বাতৰিবোৰক উৰাবাতৰি আখ্যা দি অস্বীকাৰ কৰিছিল আৰু দলটোৰ নেতা সকলৰ সৈতে বৈঠকক কেৱল সৌজন্যমূলক সাক্ষাৎ বুলি কৈছিল প্ৰাক্তন কংগ্ৰেছী নেতাগৰাকীয়ে ।
অৱশেষত, সকলো জল্পনা-কল্পনাৰ অন্ত পেলাই সোমবাৰে অভজিতে তৃণমূল কংগ্ৰেছত যোগদান কৰে ৷ ইফালে, অভিজিৎ মুখাৰ্জীয়ে তৃণমূল কংগ্ৰেছৰ হৈ জংগীপুৰত আগন্তুক উপ-নিৰ্বাচনত প্ৰতিদ্বন্দিতা কৰাৰ সম্ভাৱনা এতিয়া তীব্ৰ হৈ পৰিছে ।
লগতে পঢ়ক : পৰীক্ষাৰ ফলাফলক লৈ এটা সিদ্ধান্তত উপনীত হ'ব পৰা নাই অসম চৰকাৰ
