নিউজ ডেস্ক, 11 আগষ্ট : উচ্চতম ন্যায়ালয়ে শুকুৰবাৰে 26 টা বিৰোধী দলে তেওঁলোকৰ মিত্ৰতাৰ বাবে INDIA (Indian National Developmental Inclusive Alliance) শব্দটো ব্যৱহাৰ কৰাত বাধা দিবলৈ ৰাজহুৱা স্বাৰ্থৰ মোকৰ্দমা আৱেদন (পিআইএল) গ্ৰহণ কৰিবলৈ অস্বীকাৰ কৰে ৷ আৱেদনকাৰীৰ অধিবক্তাই ন্যায়াধীশ এছ কে কৌলৰ নেতৃত্বত এখন বিচাৰপীঠৰ সন্মুখত যুক্তি দিছিল যে দেশত এটা দৌৰ চলি আছে, য’ত তেওঁলোক জাতীয়তাবাদী বুলি দেখুৱাবলৈ বিছাৰে ৷ ন্যায়াধীশ সুধাংশু ধুলিয়াক লৈ গঠিত বিচাৰপীঠে আবেদনকাৰীৰ পৰামৰ্শদাতাক সুধিছিল, ন্যায়পালিকাই কেনেকৈ দৌৰ চলি থকাত বাধা দিয়ে ?
বিচাৰপীঠে কয় যে এই ক্ষেত্ৰত যদি কোনো নিৰ্বাচনী নীতি-নিয়ম উলংঘা হৈছে তেন্তে আবেদনকাৰীয়ে ভাৰতীয় নিৰ্বাচনী আয়োগলৈ যাব লাগিব ৷ বিচাৰপীঠে কয় যে, এই আবেদন প্ৰচাৰৰ বাবে দাখিল কৰা হৈছে, তাৰ বাহিৰে আন একো নহয় ৷ অধিবক্তাই যুক্তি দিছিল যে ৰাজনৈতিক দলটোৰ নামকৰণৰ বাবে “I.N.D.I.A.,” সংক্ষিপ্ত ৰূপটো ব্যৱহাৰ কৰাটো নীতি-নিয়মৰ লগতে নৈতিকতাৰ বিৰুদ্ধ ৷ ৰাজনীতিত নৈতিকতা নিৰ্ণয় কৰিবলৈ যোৱা নাই বুলিও কয় বিচাৰপীঠে ৷
শীৰ্ষ আদালতত জনোৱা হৈছিল যে দিল্লী উচ্চ ন্যায়ালয়ত একেধৰণৰ আবেদন দাখিল কৰা হৈছে আৰু জাননী জাৰি কৰা হৈছে ৷ বিষয়টোৰ ওপৰত চমু শুনানিৰ অন্তত আবেদনকাৰীৰ অধিবক্তা ৰোহিত খেৰিৱালে আবেদন প্ৰত্যাহাৰ কৰিবলৈ সন্মত হয় ৷ অহা বছৰ হ’বলগীয়া লোকসভা নিৰ্বাচনত কংগ্ৰেছৰ নেতৃত্বত বিৰোধী দলসমূহে একত্ৰিত হৈ বিজেপিৰ বিৰুদ্ধে প্ৰতিদ্বন্দ্বিতা কৰাৰ সিদ্ধান্ত ঘোষণা কৰিছিল ৷ চলিত মাহৰ আৰম্ভণিতে দিল্লী উচ্চ ন্যায়ালয়ে 26 টা বিৰোধী ৰাজনৈতিক দল আৰু ভাৰতৰ নিৰ্বাচন আয়োগক একেধৰণৰ পিআইএল সন্দৰ্ভত জাননী জাৰি কৰিছিল ৷
লগতে পঢ়ক : Constituency Delimitation : নিৰ্বাচনী আয়োগে নহয়, চাৰিজন মানুহে ৰাজ্যৰ সমষ্টি পুনৰ নিৰ্ধাৰণ কৰিছে; অখিল গগৈ
