নিউজ ডেস্ক, 30 জানুৱাৰী : ভাৰতীয় স্থল সেনা আৰু নৌসেনাৰ মহিলা বিষয়াৰ স্থায়ী কমিচনৰ সমস্যা সমূহ সমাধানৰ বাবে কেন্দ্ৰীয় চৰকাৰক আগভাগ লবলৈ উচ্চতম ন্যায়ালয়ে নিৰ্দেশ দিছে ৷ এই বিষয়ত অতি সোনকালে সেনা বিষয়াৰ সৈতে এক বৈঠকৰ আয়োজন কৰিবলৈ কেন্দ্ৰী চৰকাৰক আহ্বান জনাইছে উচ্চতম ন্যায়ালয়ে ৷
শনিবাৰে এক নিৰ্দেশ জাৰি কৰি উচ্চতম ন্যায়ালয়ে কয়, তেওঁলোকে দেশ ৰক্ষাৰ ক্ষেত্ৰত যুদ্ধ কৰি আছে ৷ তেওঁলোকৰ কৰ্তৃপক্ষৰ সৈতে এই বিষয়ত কথা পাতি মহিলা জোৱান সকলৰ সমস্যা সমূহ সমাধান কৰিবলৈ চেষ্টা কৰক ৷ ন্যায়ালয়ে সঞ্জয় জৈনক (Additional Solicitor General )সমস্যা সমূহ সমাধানত গুৰুত্ব আৰোপ কৰিবলৈ আহ্বান জনাইছে ৷
উল্লেখ্য যে, মহিলা সেনা জোৱান সকলে কৰ্মৰত অৱস্থাত বহু আভ্যন্তৰীণ সমস্যা সন্মুখিন হয় ৷ 2020 চনৰ মাৰ্চ মাহটো মহিলা কৰ্মচাৰী সকলৰ সমস্যা সমাধানৰ বাবে বিভাগীয় কৰ্তৃপক্ষক নিৰ্দেশ প্ৰদান কৰিছে ন্যায়ালয়ে ৷
লগতে পঢ়ক: বৰপেটাৰোডত চি পি আই এমৰ বিশাল পদযাত্ৰা
