নেচনেল ডেক্স, 13 এপ্ৰিল: মঙলবাৰে মিজোৰাম বিশ্ববিদ্যালয়ৰ তথ্য প্ৰযুক্তি বিভাগত আঘাতপ্ৰাপ্ত অৱস্থাত এটা বন হৰিণ উদ্ধাৰ হয় । কেইদিনমান পূৰ্বে বিশ্ববিদ্যালয়ৰ চৌহদত চোৰাং চিকাৰীৰ ফান্দৰ এডাল শিকলি ডিঙিত লাগি থকা অৱস্থাত ছাত্ৰ-ছাত্ৰীয়ে বিচৰণ কৰা প্ৰত্যক্ষ কৰিছিল । বন হৰিণৰ ডিঙিত শিকলিডাল লাগি থকা বাবে কটা অৱস্থাত প্ৰত্যক্ষ কৰিছিল মিজোৰাম বিশ্ববিদ্যালয়ৰ কৰ্তৃপক্ষই ৷
বন বিভাগক খবৰ দিয়াত আঘাতপ্ৰাপ্ত বন হৰিণটো উদ্ধাৰ কৰি আইজলৰ প্ৰাণী বিজ্ঞান কেন্দ্ৰলৈ যায় বনকৰ্মীয়ে ৷ উল্লেখ্য যে, বন হৰিণ হৈছে মিজোৰামৰ ৰাজ্যিক প্ৰাণী আৰু 1972 চনৰ বন্যপ্ৰাণী সুৰক্ষা আইনৰ অধীনত এটা সুৰক্ষিত জন্তু হিচাপে স্বীকৃতি দিয়া হৈছে ৷ আন্তৰ্জাতিক সংঘৰ দ্বাৰা বন হৰিণটো বিলুপ্তপ্ৰায় প্ৰজাতিবোৰৰ ভিতৰত তালিকাভুক্ত কৰি সমগ্ৰ বিশ্বতে জন্তুটোৰ চিকাৰ কঠোৰভাৱে নিষিদ্ধ কৰা হৈছে ।
2015 চনত কেপ্ৰিপক্স নামৰ এবিধ ভাইৰাছ আৰু জন্তুটোৰ মাংস ঔষধি গুণৰ বাবে চোৰাং চিকাৰীৰ নিৰন্তৰ চোৰাং চিকাৰৰ ফলত প্ৰায় বিলুপ্তি হ’ব ধৰিছে বন হৰিণৰ প্ৰজাতিটো ৷
লগতে পঢ়ক : গুৱাহাটীত ক'ৰণাত আক্ৰান্ত হৈ পুনৰ এজনৰ মৃত্যু
