নেশ্যনেল ডেস্ক, ১৫ ছেপ্টেম্বৰ : নতুন স্থানলৈ স্থানান্তৰ দেশৰ প্ৰতিৰক্ষা মন্ত্ৰালয়ৰ কাৰ্যালয় । প্ৰায় ৭ হাজাৰ কৰ্মচাৰীৰ লগতে কেইবাটাও সংগঠন থকা কাৰ্যালয়টো আফ্ৰিকা এভিনিউ আৰু কস্তুৰবা গান্ধী মাৰ্গৰ দুটা নতুন কমপ্লেক্সলৈ স্থানান্তৰ কৰা হ'ব । প্ৰধানমন্ত্ৰী নৰেন্দ্ৰ মোডীয়ে বৃহস্পতিবাৰে উদ্বোধন কৰিব প্ৰতিৰক্ষা মন্ত্ৰালয়ৰ এই নতুন কাৰ্যালয় ।
দক্ষিণ খণ্ডৰ সমীপৰ ডেলহাউচি ৰোডত থকা কাৰ্যালয়টো স্থানান্তৰ হোৱাৰ লগে লগে খালী ভৱনটো কেন্দ্ৰীয় ভিষ্টা ৰিডেভলপমেণ্টৰ (Central Vista Redevelopment project) অধীনত প্ৰধানমন্ত্ৰীৰ নতুন বাসগৃহ আৰু কাৰ্যালয় হিচাপে পুনৰ নিৰ্মাণ কৰা হ'ব । প্ৰতিৰক্ষা মন্ত্ৰালয়ৰ কাৰ্যালয় স্থানান্তৰ হোৱাৰ লগে লগে প্ৰায় ৫০ একৰ ভূমি খালী হ'ব বুলি আশা কৰা হৈছে ৷ যাক পৰৱৰ্তী সময়ত কেন্দ্ৰীয় ভিষ্টা প্ৰকল্পৰ বাবে কাৰ্যবাহী এনক্লেভ হিচাপে গঢ়ি তোলা হ'ব । আফ্ৰিকা এভিনিউৰ কাৰ্যালয় চৌহদটো সাত মহলীয়া অট্টালিকা, য'ত কেৱল প্ৰতিৰক্ষা মন্ত্ৰালয়ৰ কাৰ্যালয় থাকিব ।
আনহাতে কস্তুৰবা গান্ধী মাৰ্গৰ আঠ মহলীয়া ভৱনটো কেন্দ্ৰীয় সচিবালয় চৌহদত তেওঁলোকৰ নতুন কাৰ্যালয় নিৰ্মাণ নোহোৱালৈকে বৰ্তমান পৰিবহন ভৱন আৰু শ্ৰম শক্তি ভৱনত অৱস্থিত কাৰ্যালয়সমূহ অস্থায়ীভাৱে ব্যৱহাৰ কৰা হ'ব ।
আফ্ৰিকা এভিনিউৰ কমপ্লেক্সটো চাৰিটা ভাগত বিভক্ত কৰা আছে ৷ এই কমপ্লেক্সটো ৫.০৮ লাখ বৰ্গফুটৰ আনহাতে কস্তুৰবা গান্ধী মাৰ্গৰ কাৰ্যালয়টো তিনিটা খণ্ডত ভাগ কৰা হৈছে, যিটো হ'ব ৪.৫২ লাখ বৰ্গফুটৰ । দুয়োটা কমপ্লেক্সত একেলগে ১,৫০০ খন গাড়ীৰ পাৰ্কিঙৰ সুবিধা আছে । গৃহ আৰু নগৰ পৰিক্ৰমা মন্ত্ৰালয়ে প্ৰতিৰক্ষা মন্ত্ৰালয়ে প্ৰদান কৰা ৭৭৫ কোটি টকা ব্যয়েৰে কেন্দ্ৰীয় ভিষ্টা প্ৰকল্পৰ অংশ হিচাপে নতুন কাৰ্যালয় কমপ্লেক্স নিৰ্মাণকাৰ্য সম্পূৰ্ণ কৰিছে ।
নতুন ভৱনত কেণ্টিন আৰু বেংকৰ দৰে সুবিধা থকাৰ লগতে বিভিন্ন সংযোগ আৰু কল্যাণমূলক সুবিধাও থাকিব । কেন্দ্ৰীয় ভিষ্টা পৰিকল্পনাৰ অধীনত প্ৰধানমন্ত্ৰীৰ বাসভৱন বৰ্তমানৰ চাউথ ব্লক কমপ্লেক্সৰ পিছফালে স্থানান্তৰ কৰা হ'ব । এই পৰিকল্পনাত নৰ্থ ব্লকৰ পিছফালে উপ ৰাষ্ট্ৰপতিৰ নতুন বাসগৃহ আৰু শাস্ত্ৰী ভৱন (Shastri Bhavan), নিৰ্মাণ ভৱন, উদ্যোগ ভৱন, কৃষি ভৱন আৰু বায়ু ভৱনকে ধৰি চৰকাৰী কাৰ্যালয়সমূহৰ বাবে ১০ টা নতুন বিল্ডিং ব্লক স্থানান্তৰ কৰাও অন্তৰ্ভুক্ত হৈ আছে ।
লগতে পঢ়ক : TMC য়ে কংগ্ৰেছক বিভক্ত কৰিব বিচাৰিছে : TPCC সভাপতি পীযুষ বিশ্বাস
