নেশ্যনেল ডেস্ক,৩ ছেপ্টেম্বৰ: দিল্লীত জি-২০ সন্মিলন অনুষ্ঠিত হ'ব । তাৰ পূৰ্বে এক বিশেষ সাক্ষাৎকাৰত প্ৰধানমন্ত্ৰী নৰেন্দ্ৰ মোদীয়ে বিশ্বৰ জিডিপি কেন্দ্ৰিক দৃষ্টিভংগী এতিয়া মানৱ কেন্দ্ৰিক দৃষ্টিভংগীলৈ পৰিৱৰ্তন হৈছে বুলি উল্লেখ কৰে । তেওঁৰ মতে ভাৰতে ইয়াত মধ্যস্থতাকাৰীৰ ভূমিকা পালন কৰি আছে । প্ৰধানমন্ত্ৰী মোদীয়ে কয় যে অদূৰ ভৱিষ্যতে ভাৰত বিশ্বৰ শীৰ্ষ তিনিটা অৰ্থনীতিৰ তালিকাত থাকিব ।
দশকতকৈও কম সময়ৰ ভিতৰত দেশে পাঁচটা স্থানলৈ উন্নীত হোৱাৰ কথা উল্লেখ কৰি প্ৰধানমন্ত্ৰীয়ে কয় যে ভাৰতীয়সকলৰ ওচৰত আজি অহা হাজাৰ বছৰৰ বাবে স্মৰণীয় হৈ থকা বিকাশৰ ভিত্তি স্থাপন কৰাৰ যথেষ্ট সুযোগ আছে । তেওঁ কয় যে জি-২০ ত "আমাৰ কথা আৰু দৃষ্টিভঙ্গী"ক বিশ্বই কেৱল ধাৰণা কৰাই নহয়, ভৱিষ্যতৰ বাবে ৰোডমেপ হিচাপে চাব ।
প্ৰধানমন্ত্ৰী মোদীয়ে দৃঢ়তাৰে কয় যে দীৰ্ঘদিন ধৰি ভাৰতক ১ বিলিয়ন ভোকাতুৰ পেটৰ দেশ হিচাপে দেখা গৈছিল, কিন্তু এতিয়া ইয়াক এক বিলিয়ন উচ্চাকাংক্ষী মন আৰু দুই বিলিয়ন দক্ষ হাতৰ দেশ হিচাপে দেখা গৈছে । তেওঁ বিশ্বাস কৰে যে ২০৪৭ চনৰ ভিতৰত ভাৰত এখন উন্নত ৰাষ্ট্ৰ হ'ব আৰু দুৰ্নীতি, জাতিবাদ আৰু সাম্প্ৰদায়িকতাৰ কোনো স্থান নাথাকিব ।
প্ৰধানমন্ত্ৰীয়ে কয় যে ভাৰতৰ জি-২০ সভাপতিত্বৰ পৰা বহুতো ইতিবাচক প্ৰভাৱ পৰিছে, কিছুমান তেওঁৰ হৃদয়ৰ অতি কাষত বুলিও উল্লেখ কৰে । 'সবকা সাথ, সবকা বিকাশ' বিশ্বৰ কল্যাণৰ বাবে পথ প্ৰদৰ্শক নীতিও হ'ব পাৰে বুলি তেওঁ উল্লেখ কৰে । প্ৰধানমন্ত্ৰী মোদীয়ে অৰুণাচল প্ৰদেশৰ কাশ্মীৰত জি-২০ বৈঠক সন্দৰ্ভত পাকিস্তান আৰু চীনৰ আপত্তি খাৰিজ কৰে । তেওঁ কয় যে দেশৰ প্ৰতিটো প্ৰান্তত সভা অনুষ্ঠিত কৰাটো স্বাভাৱিক ।
লগতে পঢ়ক: Sonia Gandhi hospitalised : কংগ্ৰেছ নেত্ৰী ছোনিয়া গান্ধীক হাস্পতালত ভৰ্তি
