নিউজ ডেস্ক, ২৪ নৱেম্বৰ : বৰ্তমান সময়ত বহুতো প্ৰতিষ্ঠানে অবাঞ্ছিতভাৱে ব্যক্তিগত ঋণ আগবঢ়াবলৈ ওলাই আহিছে (firms offering unsolicited personal loans) । উক্ত প্ৰতিষ্ঠানবোৰে মুহূৰ্তৰ ভিতৰতে ঋণৰ ধন আপোনাৰ বেংক একাউণ্টত জমা কৰে । প্ৰকৃততে জৰুৰীকালীন পৰিস্থিতিৰ সময়ত এই ঋণবোৰ লোৱাটো উপযোগী ।
কিন্তু ঋণৰ সম্পূৰ্ণ বিৱৰণ ভালদৰে নোচোৱাকৈ সেইবোৰ গ্ৰহণ কৰিলে আমাক এক বিত্তীয় সমস্যাত পেলাব পাৰে । সাম্প্ৰতিক সময়ত অনা-বেঙ্কিং বিত্তীয় প্ৰতিষ্ঠানবোৰে (non banking financial institutions, NBFC) তেওঁলোকৰ ঋণ একাউণ্টৰ সংখ্যা বৃদ্ধি কৰাৰ বাবে বৃহৎ সংখ্যাত ব্যক্তিগত ঋণ প্ৰদান কৰি আছে ।
উক্ত প্ৰতিষ্ঠানবোৰে আনকি কেতিয়াবা ক্ৰেডিট স্ক'ৰৰ (credit score) বিষয়েও চিন্তা নকৰে । কিন্তু আপোনাক ব্যক্তিগত ঋণৰ প্ৰয়োজন হোৱাৰ পিছত, প্ৰথমে সিদ্ধান্ত লওক কোনটো প্ৰতিষ্ঠানে আপোনাৰ প্ৰয়োজনীয়তা সৰ্বশ্ৰেষ্ঠভাৱে পূৰণ কৰিব । সুতৰ হাৰ আৰু প্ৰক্ৰিয়াকৰণ মাচুলৰ ওপৰত এক পুংখানুপুংখ দৃষ্টি ৰাখিব লাগে । সকলো বিৱৰণৰ বাবে সংশ্লিষ্ট ফাৰ্মৰ ৱেবছাইটত অনুসন্ধান কৰক । মন কৰিব, কেৱল বিৱৰণহে সংগ্ৰহ কৰিব । কিন্তু একেলগে সকলো ফাৰ্মতে আবেদন নকৰিব । এনে কাৰ্যই আপোনাৰ ক্ৰেডিট প্ৰতিবেদন প্ৰভাৱিত কৰিব (credit report) ।
ঋণ ল'বলৈ খৰধৰ কৰি বহুতে ঋণৰ চৰ্তাৱলী আৰু নিয়মাৱলী সাৱধানে অনুসৰণ নকৰে । বিভিন্ন ফাৰ্মৰ বিভিন্ন চৰ্ত আছে । কিছুমানে আগতীয়াকৈ পৰিশোধ মাচুল (payment fee) সংগ্ৰহ কৰে আৰু ঋণৰ সৈতে বীমা আঁচনি লোৱাৰ ওপৰত জোৰ দিয়ে । এই সকলোবোৰ চৰ্ত আপুনি কেৱল তেতিয়াহে জানিব, যেতিয়া আপুনি ঋণ চুক্তিৰ (loan agreement) ওপৰত তীক্ষ্ণ দৃষ্টি ৰাখিব । এই ক্ষেত্ৰত যিকোনো অবাঞ্ছিত খৰখেদাই ক্ষতি কৰিব ।
যেতিয়া আপুনি জৰুৰীকালীন প্ৰয়োজনীয়তা পূৰণ কৰিবলৈ ঋণ লয়, ই আপোনাৰ প্ৰয়োজনীয়তা সম্পূৰ্ণৰূপে পূৰণ নকৰিবও পাৰে । সেয়েহে সৰ্বাধিক ঋণৰ পৰিমাণ প্ৰদান কৰা ফাৰ্ম এখনলৈ যোৱাটো ভাল । বেছিভাগ বেঙ্ক আৰু NBFC-য়ে মুঠ ঋণৰ পৰিমাণ নিদিব পাৰে । কেতিয়াবা আমাক প্ৰয়োজন নোহোৱাকৈয়ে তেওঁলোকে আমাৰ একাউণ্টত মুঠ যোগ্য পৰিমাণ জমা কৰিব । এই ক্ষেত্ৰত সকলো প্ৰয়োজনীয় সাৱধানতা অৱলম্বন কৰা উচিত । যদি প্ৰয়োজনতকৈ ডাঙৰ ঋণ লোৱা হয়, EMI-ৰ অপ্ৰয়োজনীয় অধিক বোজা থাকিব (equated monthly instalment) ।
কিস্তি সময়মতে পৰিশোধ কৰাটো অতি গুৰুত্বপূৰ্ণ (payment of instalments) । কিছুমান প্ৰতিষ্ঠানে ঋণ পৰিশোধৰ ক্ষমতা বিবেচনা নকৰাকৈ আবেদন দাখিল কৰাৰ লগে লগে ঋণ দিয়ে । সৰ্বাধিক সম্ভৱ পৰিমাণৰ ক্ষেত্ৰত আপুনি নিশ্চিত কৰিব যাতে EMI-য়ে আপোনাৰ উপাৰ্জনৰ 50 শতাংশ অতিক্ৰম নকৰে । যদি সকলো উপাৰ্জন কিস্তিৰ বাবে পৰিশোধ কৰা হয়, আপোনাৰ ভৱিষ্যতৰ বিত্তীয় লক্ষ্য প্ৰভাৱিত হ'ব । আনহাতে, যদি কিস্তি পিছুৱাই যায় তেন্তে জৰিমনা আৰু সুতৰ হাৰে অসহনীয় বোজাৰ সৃষ্টি কৰিব ।
ভাল ঋণ আৰু বেয়া ঋণৰ মাজৰ পাৰ্থক্য জনাটো গুৰুত্বপূৰ্ণ । সময়ৰ সৈতে বৰ্ধিত মূল্য থকাটোকহে ক্ৰয় কৰিবলৈ অগ্ৰাধিকাৰ দিব লাগে । বিলাসিতা আৰু আকাংক্ষা পূৰণ কৰিবলৈ ঋণ লোৱাটো সদায় এক বিত্তীয় বোজা হৈ থাকিব । ক্ৰেডিট কাৰ্ডৰ বিল পৰিশোধ কৰিবলৈ ব্যক্তিগত ঋণ লোৱাটো কোনো পৰিস্থিতিতে যুক্তিসঙ্গত নহয় ।
লগতে পঢ়ক :Assets to Heirs: সঠিক উত্তৰাধিকাৰীলৈ সম্পত্তি কেনেদৰে হস্তান্তৰ কৰিব
