নেশ্যনেল ডেস্ক, ৬ জানুৱাৰী: মঙলবাৰে বিয়লি দিল্লী-জয়পুৰ সংযোগী পথত ভয়ংকৰ পথ দুৰ্ঘটনাত থিতাতে নিহত হয় তিনিজন আৰু আহত হয় দহজনতকৈও অধিক লোক ।
দুৰ্ঘটনা অনুসৰি উক্ত পথচোৱাৰে জয়পুৰ অভিমুখী এখন তীব্ৰবেগী সামগ্ৰী ভৰ্তি ট্ৰাকৰ চালকে নিয়ন্ত্ৰণ হেৰুৱাই পথৰ ওপৰতে বাগৰি যায় । প্ৰথমে এটা মন্দিৰত খুন্দিয়ায়, তাৰ পাচত দুৰ্ঘটনাস্থলীতে নিহত হয় তিনিজনকৈ লোক । বৰ্তমানেও নিহত লোক কেইজনৰ পৰিচয় লাভ কৰিবলৈ সক্ষম হোৱা নাই । এই ভয়ানক দুৰ্ঘটনাৰ সমগ্ৰ দৃশ্য চিচিটিভিত বন্দী হয় ।
দুৰ্ঘটনাটো সংঘটিত হোৱাৰ পাচতে ঘটনাস্থলীত আৰক্ষী উপস্থিত হৈ নিহতসকলৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰে আৰু আহতসকলক ওচৰৰে স্থানীয় চিকিৎসালয়ত ভৰ্তি কৰে । ইফালে ট্ৰাক চালকজনক আৰক্ষীয়ে গ্ৰেপ্তাৰ কৰি ঘটনা সন্দৰ্ভত প্ৰাথমিক তদন্ত অব্যাহত ৰাখে ।
লগতে পঢ়ক: টীকাকৰণৰ বাবে বিশেষজ্ঞ কমিটীক চৰকাৰৰ গুৰুত্বপূৰ্ণ নিৰ্দেশ
