নেশ্যনেল ডেস্ক,১৮ জুন : অহা ১৯ জুনত কংগ্ৰেছ নেতা ৰাহুল গান্ধীৰ জন্মদিন । প্ৰতিবছৰে নেতাগৰাকী জন্মদিনত তেওঁৰ অনুৰাগী অথবা দলীয় কৰ্মীসকলে বিভিন্ন ধৰণৰ কাৰ্যসূচী ৰূপায়ণ কৰে । তেওঁ নিজেও জড়িত থাকে বিভিন্ন কাৰ্যসূচীত । কিন্তু এইবাৰ নেতাগৰাকীয়ে উদযাপন নকৰে নিজৰ জন্মদিন । নেতাগৰাকীয়ে এই ঘোষণা কৰাৰ পিছতো কিন্তু তেওঁৰ অনুৰাগী তথা কংগ্ৰেছ কৰ্মীসকলে পালন কৰিবলৈ যো জা চলাইছে নেতাগৰাকীৰ জন্মদিন । ইতিমধ্যে ভাৰতীয় ৰাষ্ট্ৰীয় ছাত্ৰ সন্থা (NSUI) আৰু ভাৰতীয় যুৱ কংগ্ৰেছে (IYC) জনসাধাৰণৰ বাবে বিনামূলীয়া ক'ভিড টীকাকৰণ(Covid Vaccination) অভিযান আয়োজন কৰাৰ পৰিকল্পনা কৰিছে ।
NSUIৰ ৰাষ্ট্ৰীয় সভাপতি নীৰজ কুন্দনে সংবাদ মাধ্যমক জনোৱা মতে সংগঠনটোৱে ১৯ জুনত ৰাহুল গান্ধীৰ জন্মদিনত বিনামূলীয়া টীকাকৰণ অভিযানৰ আয়োজন কৰিছে । যিহেতু ৰাহুল গান্ধীয়ে কৈছে যে মহামাৰীৰ সময়ত মানুহক সুৰক্ষা দিয়াৰ বাবে টীকাকৰণ হৈছে সৰ্বশ্ৰেষ্ঠ উপায় । সেয়ে নেতাগৰাকী এই কথাৰ প্ৰতি লক্ষ্যৰাখিয়ে টীকাকৰণ কাৰ্যসূচীৰ আয়োজন কৰা হৈছে বুলি কুন্দনে উল্লেখ কৰে ।ইফালে NSUI ৰ ৰাষ্ট্ৰীয় সম্পাদক লোকেশ চুগে কয় যে কাৰ্যালয়ত টীকাকৰণ শিবিৰ শনিবাৰে পুৱা আৰম্ভ হ'ব।
তেওঁ লগতে কয় যে ক'উইন(Cowin)ৰ জৰিয়তে পঞ্জীয়ণ কৰা আৰু বিনামূলীয়াকৈ টীকাকৰণ প্ৰক্ৰিয়াত NSUIৰ কৰ্মীসকলে ৰাইজক সহায় কৰিব । একেদৰে IYC য়ে টীকাকৰণ নকৰা জ্যেষ্ঠ নাগৰিক, দৈনিক কৰ্মী আৰু ফ্ৰ'ণ্টলাইন কৰ্মীসকলৰ(frontline workers) বাবে সমগ্ৰ দেশতে টীকাকৰণ অভিযান অনুষ্ঠিত কৰিব ।
IYCৰ মিডিয়া ইনচাৰ্জ ৰাহুল ৰাওৱে কয় যে ৰাহুল গান্ধীৰ জন্মদিনত তেওঁলোকে সমগ্ৰ দেশৰ জনসাধাৰণৰ মাজত ৰেচন সামগ্ৰী, চেনিটাইজাৰ,মাস্ক বিতৰণ কৰাৰ পৰিকল্পনা কৰিছে । বিনামূলীয়া টীকাকৰণৰ লগতে লগতে কয় যে যদি কোনো লোক ক'উইনত পঞ্জীভুক্ত নহয়, IYCৰ কৰ্মীসকলে তেওঁলোকক পঞ্জীয়ন কৰাত জনসাধাৰণক সহায় কৰিব বুলিও কয় ৰাহুল ৰাওৱে । IYCৰ নেতাগৰাকীয়ে লগতে কয় যে সমগ্ৰ দেশত ক'ভিড ৰোগীসকলৰ বাবে ঔষধও প্ৰদান কৰিব সংগঠনটোৱে।
লগতে পঢ়ক:ভাৰত শান্তিৰ পূজাৰী যদিও অনুপ্ৰৱেশ সহ্য নকৰে: ৰাজনাথ সিং
