আগৰতলা, 14 নৱেম্বৰ : গৃহ মন্ত্ৰালয়ৰ (Ministry of Home Affairs) এক প্ৰতিবেদনত কোৱা হৈছে যে 2014 চনৰ পৰা উত্তৰ-পূবৰ ৰাজ্যসমূহৰ নিৰাপত্তা পৰিস্থিতি (security situation in North Eastern States) যথেষ্ট উন্নত হৈছে ৷ বিগত দুটা দশকৰ ভিতৰত 2020 চনত সাধাৰণ লোক আৰু নিৰাপত্তা বাহিনীৰ মাজত সৰ্বনিম্ন বিদ্ৰোহমূলক ঘটনা সংঘটিত হৈছে আৰু হতাহতৰ সংখ্যাও অতি কম হৈছে ।
প্ৰতিবেদনত লগতে উল্লেখ কৰা হৈছে যে 2014 চনৰ তুলনাত 2021 চনত বিদ্ৰোহৰ ঘটনা 74% হ্ৰাস পাইছে । উত্তৰ-পূব অঞ্চল হৈছে সাংস্কৃতিক আৰু জাতিগতভাৱে বৈচিত্ৰ্যপূৰ্ণ অঞ্চল । ইয়াত 200-তকৈও অধিক জনজাতীয় সম্প্ৰদায় আছে যাৰ পৃথক ভাষা, উপ-ভাষা আৰু সামাজিক-সাংস্কৃতিক পৰিচয় আছে (culturally and ethnically diverse Northeast region) ।
অঞ্চলটোৱে দেশখনৰ ভৌগোলিক এলেকাৰ 7.97% আৰু ইয়াৰ জনসংখ্যাৰ 3.78% আৱৰি আছে । আনহাতে, বাংলাদেশ (1,880 কিঃমিঃ), ম্যানমাৰ (1,643 কিঃমিঃ), চীন (1,346 কিঃমিঃ), ভূটান (516 কিঃমিঃ) আৰু নেপালৰ (99 কিঃমিঃ) সৈতে 5,484 কিলোমিটাৰ আন্তঃৰাষ্ট্ৰীয় সীমা আছে ।
ভূখণ্ড, আৰ্থ-সামাজিক বিকাশৰ অৱস্থা আৰু ঐতিহাসিক কাৰক যেনে ভাষা/জাতি, জনজাতীয় প্ৰতিদ্বন্দ্বিতা, প্ৰব্ৰজন, স্থানীয় সম্পদৰ ওপৰত নিয়ন্ত্ৰণ আৰু দীঘল আৰু সুৰক্ষিত আন্তঃৰাষ্ট্ৰীয় সীমাৰ ফলত উত্তৰ-পূৰ্বাঞ্চলৰ ৰাজ্যসমূহত এক ভঙ্গুৰ নিৰাপত্তা পৰিস্থিতিৰ সৃষ্টি হৈছে (international borders in North Eastern states) ।
ইয়াৰ ফলত চুবুৰীয়া দেশবোৰত সুৰক্ষিত আশ্ৰয়/শিবিৰ স্থাপন কৰি থকা বিভিন্ন ভাৰতীয় বিদ্ৰোহী গোটৰ (Indian Insurgent Groups) দ্বাৰা হিংসা, ধনদাবী আৰু বিবিধ দাবী উত্থাপিত হৈছে । ২০১৪ চনৰ প্ৰতিবেদন অনুসৰি, প্ৰায় উক্ত সময়ছোৱাত ৮২৪ টা ঘটনা সংঘটিত হৈছিল । আনহাতে, ২০২১ চনত এনে ঘটনাৰ সংখ্যা ২০৯ । ২০১৪ চনৰ পৰা ২০২১ চনলৈকে প্ৰায় ৫,৩১৯ জন উগ্ৰপন্থীয়ে আত্মসমৰ্পণ কৰে আৰু ৫৮০ জন নিহত হোৱাৰ লগতে ৯,১০৩ জনক গ্ৰেপ্তাৰ কৰা হয় ।
"যদিও আইন-শৃংখলা ৰাজ্যৰ অন্তৰ্ভুক্ত বিষয়, কেন্দ্ৰীয় চৰকাৰে বিভিন্ন ব্যৱস্থাৰ জৰিয়তে উত্তৰ-পূৰ্বাঞ্চলৰ ৰাজ্যসমূহৰ বিদ্ৰোহী গোটসমূহৰ অবৈধ আৰু বেআইনী কাৰ্যকলাপ নিয়ন্ত্ৰণ কৰাৰ বাবে ৰাজ্য চৰকাৰৰ প্ৰচেষ্টাৰ পৰিপূৰক হৈ আছে । ইয়াৰ ভিতৰত আছে কেন্দ্ৰীয় সশস্ত্ৰ আৰক্ষী বাহিনী মোতায়েন (Central Armed Police Forces), এছ আৰ ই আঁচনিৰ অধীনত ৰাজ্য চৰকাৰসমূহক নিৰাপত্তা সম্পৰ্কীয় ব্যয়ৰ পৰিশোধ (Security Related Expenditure), ৰাজ্যিক আৰক্ষী বাহিনীৰ আধুনিকীকৰণৰ বাবে ৰাজ্য চৰকাৰসমূহক কেন্দ্ৰীয় সহায়, ইণ্ডিয়া ৰিজাৰ্ভ বেটেলিয়নৰ অনুমোদন, বেআইনী কাৰ্যকলাপ (প্ৰতিৰোধ) আইন, 1967-ৰ (UAPA) অধীনত উত্তৰ-পূৰ্বাঞ্চলত চলি থকা বেআইনী সংগঠনবোৰ নিষিদ্ধ কৰা আৰু বিশেষ ক্ষমতা (অশান্ত অঞ্চল) আইন, ১৯৫৮-ৰ (AFSPA) অধীনত নিৰ্দিষ্ট ক্ষেত্ৰ/ৰাজ্যসমূহক 'অশান্ত অঞ্চল' হিচাপে ঘোষণা কৰা ।" প্ৰতিবেদনত এনেদৰে কোৱা হৈছে ।
প্ৰতিবেদনখনত লগতে দাবী কৰা হৈছে যে উত্তৰ-পূবৰ ৰাজ্যসমূহৰ নিৰাপত্তা পৰিস্থিতিত গুৰুত্বপূৰ্ণ উন্নতিৰ বাবে ২৩ খন জিলাৰ পৰা আৰু আংশিকভাৱে অসমৰ আন এখন জিলাৰ পৰা, মণিপুৰৰ ৬ খন জিলাৰ ১৫ খন আৰক্ষী থানা অঞ্চল আৰু ২০২২ চনৰ ১ এপ্ৰিলৰ পৰা নাগালেণ্ডৰ ৭ খন জিলাৰ ১৫ খন আৰক্ষী থানা অঞ্চলৰ পৰা সশস্ত্ৰ বাহিনী (বিশেষ ক্ষমতা) আইন, ১৯৫৮ (Armed Forces Special Powers Act 1958) আঁতৰোৱা হৈছে ।
"উত্তৰ-পূবৰ ৰাজ্যসমূহৰ বিদ্ৰোহী গোটসমূহৰ দ্বাৰা অবৈধ আৰু বেআইনী কাৰ্যকলাপ নিয়ন্ত্ৰণ কৰিবলৈ, উত্তৰ-পূবৰ ৰাজ্যসমূহৰ মুঠ 16 টা বিদ্ৰোহী সংগঠনক বেআইনী কাৰ্যকলাপ (প্ৰতিৰোধ) আইন, 1967-ৰ অধীনত "বেআইনী সংগঠন" বা "সন্ত্ৰাসবাদী সংগঠন" বুলি ঘোষণা কৰা হয় । কেন্দ্ৰীয় চৰকাৰে বিদ্ৰোহ-বিৰোধী অভিযান চলোৱা আৰু শংকাপূৰ্ণ প্ৰতিষ্ঠান আৰু স্থাপনাসমূহক সুৰক্ষা প্ৰদান কৰাৰ বাবে ৰাজ্যিক কৰ্তৃপক্ষক সহায় কৰিবলৈ কেন্দ্ৰীয় সশস্ত্ৰ আৰক্ষী বাহিনী (CAPF) মোতায়েন কৰিছে ।
নেপাল, ভূটান, চীন, বাংলাদেশ আৰু ম্যানমাৰৰ আন্তঃৰাষ্ট্ৰীয় সীমাত উত্তৰ-পূবৰ ৰাজ্যসমূহৰ সৈতে সীমান্তৰক্ষীৰ দায়িত্বৰ বাবে চিএপিএফৰ 498 টা কোম্পানী নিয়োজিত কৰা হৈছে আৰু উত্তৰ-পূৰ্বাঞ্চলৰ ৰাজ্যসমূহত আভ্যন্তৰীণ সুৰক্ষা আৰু বিদ্ৰোহ-বিৰোধী অভিযানৰ বাবে 405 টা কোম্পানী মোতায়েন কৰা হৈছে । এই দিশত উত্তৰ-পূবৰ ৰাজ্যসমূহৰ বাবে 61 টা ইণ্ডিয়া ৰিজাৰ্ভ বেটেলিয়ন অনুমোদন কৰা হৈছে ।
ইয়াৰ ভিতৰত আছে অসম, মণিপুৰ আৰু ত্ৰিপুৰাৰ বাবে ১১ টা, অৰুণাচল প্ৰদেশ আৰু নাগালেণ্ডৰ বাবে ৭টা, মেঘালয়ৰ বাবে ৬টা, মিজোৰামৰ বাবে ৫টা আৰু ছিকিমৰ বাবে ৩টাকৈ বেটেলিয়ন ।" প্ৰতিবেদনখনত এই কথা উল্লেখ কৰা হৈছে । লগতে প্ৰতিবেদনখনত দাবী কৰা হৈছে, "২০১৪ চনৰ পৰা উত্তৰ-পূৰ্বাঞ্চলৰ ৰাজ্যসমূহৰ নিৰাপত্তা পৰিস্থিতি যথেষ্ট উন্নত হৈছে । বিগত দুটা দশকৰ ভিতৰত ২০২০ বৰ্ষত অসামৰিক লোক আৰু নিৰাপত্তা বাহিনীৰ মাজত সৰ্বনিম্ন বিদ্ৰোহী ঘটনা সংঘটিত হৈছে আৰু হতাহতৰ সংখ্যা হ্ৰাস পাইছে । 2014 চনৰ তুলনাত 2021 চনত বিদ্ৰোহৰ ঘটনা 74% হ্ৰাস হৈছে ।"
লগতে এইটোও কোৱা হৈছে যে এই সময়ছোৱাত সুৰক্ষা বাহিনীৰ হতাহতৰ সংখ্যা 60% আৰু অসামৰিক লোকৰ মৃত্যু 89% হ্ৰাস পাইছে । "২০২১ চনত উত্তৰ-পূৰ্বাঞ্চলত মুঠ ২০৯ টা বিদ্ৰোহ সম্পৰ্কীয় ঘটনা পঞ্জীয়ন কৰা হৈছিল য'ত ২৩ জন সাধাৰণ লোক আৰু ৮ জন সুৰক্ষা বাহিনীৰ জোৱানে প্ৰাণ হেৰুৱাইছিল । বিদ্ৰোহ-বিৰোধী অভিযানৰ ফলত ৪০ জন বিদ্ৰোহীক নিধন কৰা হয়, ৬৮৬ জন বিদ্ৰোহীক গ্ৰেপ্তাৰ কৰা হয় আৰু অঞ্চলটোত ৩৬৭ টা অস্ত্ৰ উদ্ধাৰ কৰা হয় ।
উত্তৰ-পূব ৰাজ্যসমূহৰ বিদ্ৰোহী সংগঠনসমূহৰ মুঠ ১,৪৭৩ জন কেডাৰে ৪৭১ টা অস্ত্ৰৰে আত্মসমৰ্পণ কৰে আৰু সমাজৰ মূলসুঁতিত যোগদান কৰে ।" গৃহ মন্ত্ৰণালয়ৰ প্ৰতিবেদনত কোৱা হৈছে । প্ৰতিবেদনত লগতে কোৱা হৈছে যে মিজোৰাম, ছিকিম আৰু ত্ৰিপুৰা মুঠতে শান্তিপূৰ্ণ হৈ আছে আৰু অঞ্চলটোৰ আন ৰাজ্যসমূহত নিৰাপত্তা পৰিস্থিতিৰ যথেষ্ট উন্নতি হৈছে ।
লগতে পঢ়ক :BJP Tribal Morcha Protest: ত্ৰিপুৰাত জ্বলিল পশ্চিম বংগৰ মুখ্যমন্ত্ৰী মমতা বেনাৰ্জীৰ জুমুঠি
