নেশ্যনেল ডেস্ক, 29 নৱেম্বৰ : মায়ানগৰী মুম্বাইত সংঘটিত হৈছে সভ্য সমাজক লজ্জানত কৰা ঘটনা ৷ এগৰাকী বিদেশী মহিলাৰ সন্মুখতে হস্তমৈথুন কৰি গ্ৰেপ্তাৰ হ’বলগীয়া হ’ল এজন কেব চালক ৷ বিদেশী মহিলাগৰাকীৰ অভিযোগৰ ভিত্তিত ইতিমধ্য গ্ৰেপ্তাৰ কৰা হৈছে কেব চালকজনক (Cab driver arrested in Mumbai)৷
ঘটনাৰ বিৱৰণি অনুসৰি আমেৰিকা যুক্তৰাষ্ট্ৰৰ এগৰাকী মহিলা কৰ্মসূত্ৰে এমাহৰ বাবে মুম্বাইত আছে । কৰ্মস্থলীৰ পৰা মহিলাগৰাকী শনিবাৰে সহকৰ্মীসকলৰ সৈতে মুম্বাইৰ অন্ধেৰী অঞ্চললৈ উভতি গৈ আছিল । ৰাইডৰ বাবে বুকিং কৰা এছ ইউ ভি বাহনখনত অভিযোগকাৰী মহিলাগৰাকী চালকৰ কাষৰ আসনত বহি আছিল ৷ কেবখনত মহিলাগৰাকীৰ আৰু কেইগৰাকীমান সংগী আছিল যদিও নিৰ্দিষ্ট ষ্টেচনসমূত আনসকল যাত্ৰী নামি যোৱাত অকলশৰীয়া হৈ পৰে মহিলাগৰাকী ৷
কেবখনত মহিলাগৰাকী অকলশৰীয়া হৈ পৰাৰ পাচতে চালকজন কুকৰ্মত লিপ্ত হৈ পৰে ৷ মহিলাগৰাকীৰ সন্মুখতে লম্পট চালকজনে কেইবাবাৰো নিজৰ গোপনীয় অংগ স্পৰ্শ কৰাৰ লগতে হস্তমৈথুত লিপ্ত হৈ পৰে (Cab driver objectionable act in Mumbai) ৷ এই কাণ্ডত হতবাক হৈ পৰে বিদেশী মহিলাগৰাকী ৷ লগে লগে মহিলাগৰাকীয়ে চিঞৰ-বাখৰ কৰাত পথচাৰীয়ে অভিযুক্ত চালকজনক কৰায়ত্ব কৰিবলৈ সক্ষম হয় ।
ইয়াৰ পাছতে স্থানীয় লোকে আৰক্ষী থানাত খবৰ দিয়াৰ লগে লগে আৰক্ষীয়ে সেই স্থানত উপস্থিত হৈ চালকজনক আটক কৰি থানালৈ লৈ যায় । মহিলাগৰাকীৰ অভিযোগৰ ভিত্তিত ইতিমধ্যে আৰক্ষীয় ভাৰতীয় দণ্ডবিধি ৩৫৪(A) আৰু ৫০৯ ধাৰাত গোচৰ ৰুজু কৰি আদালতত হাজিৰ কৰোৱাই চালকজনক (Foreign lady filed FIR against Mumbai cab driver)৷
লগতে পঢ়ক : Puri Jagannath Temple : পুৰীৰ জগন্নাথ মন্দিৰৰ আভ্যন্তৰৰ ফটো ভাইৰেল কৰি গ্ৰেপ্তাৰ বাংলাদেশী যুৱক
