নেশ্যনেল ডেস্ক,১১ মাৰ্চ: মণিপুৰৰ ইম্ফলত অসম ৰাইফলছৰ কেম্পত আক্ৰমণ কৰে বিদ্ৰোহী সংগঠনে । বুধবাৰে নিশা ইম্ফলৰ মিনোথং অঞ্চলত অসম ৰাইফলছৰ ট্ৰেনজিৎ কেম্পত হেণ্ড গ্ৰেণেড বিস্ফোৰণৰ ফলত আহত হয় এজন জোৱান । হাতত আঘাত পোৱা জোৱানজন সম্প্ৰতি বিপদমুক্ত ৷
বিশেষ সূত্ৰৰ পৰা জানিব পৰা মতে, জোৱানজনে কেম্পৰ গেটত কৰ্তব্যৰত অৱস্থাত কেম্পৰ ফালে কোনো দুৰ্বৃত্তই প্ৰায় ৭.৪৫ বজাত গ্ৰেণেড নিক্ষেপ কৰিছিল । ঘটনাৰ পিছতে ইম্ফল পশ্চিম জিলাৰ শীৰ্ষ আৰক্ষী বিষয়াসকল ততালিকে সেই স্থানত উপস্থিত হয় । লগে লগে সেই স্থানত আৰক্ষীয়ে অভিযান চলাইছিল ৷ কিন্তু কোনো লোকক আটক কৰিব নোৱাৰিলে আৰক্ষীয়ে । আনহাতে ঘটনা সন্দৰ্ভত এটা গোচৰ ৰুজু কৰা হৈছে ।
লগতে পঢ়ক: নাবালিকাৰ সৈতে বিবাহ: আৰক্ষীৰ জালত যুৱক
