আগৰতলা, 10 মে’ : ত্ৰিপুৰাৰ উত্তৰ জিলাৰ খেদাচাৰা আৰক্ষী থানাৰ অন্তৰ্গত বাহাদুৰপাৰাৰ পৰা ত্ৰিপুৰা আৰক্ষীয়ে সোমবাৰ এজন জোৱানৰ মৃতদেহ উদ্ধাৰ কৰে ৷ মৃত জোৱানজন মিজোৰামৰ ভাৰতীয় ৰিজাৰ্ভ আৰক্ষীৰ চতুৰ্থ বেটেলিয়নৰ(Mizoram Indian Reserve Police 4th Battalion) কনিষ্টবল এইচ ভানলাল পাৰা (৪৩) বুলি চিনাক্ত কৰা হৈছে ৷
আৰক্ষী সূত্ৰে জানিব পৰা অনুসৰি, এইচ ভানলাল পাৰা মিজোৰামৰ আইজলৰ ৰামলুই ভিয়েনেটাছ অঞ্চলৰ বাসিন্দা ৷ মৃত জোৱানজনৰ পৰিয়াল লোকে তেওঁ মিজোৰামৰ মামিত জিলাৰ চাভেল বিঅ'পিত কাম কৰি থকাৰ কথা জানিবলৈ দিয়ে ৷
আৰক্ষীয়ে সদৰি কৰা অনুসৰি ত্ৰিপুৰাৰ লংগাই নদীৰ কাষৰ খেদাচাৰা বাহাদুৰপাৰা অঞ্চলৰ স্থানীয় লোকসকলে প্ৰথমে জোৱানজনৰ মৃতদেহটো প্ৰত্যক্ষ কৰে । তেওঁলোকে লগে লগে খেদাচেৰা আৰক্ষী থানা(Khedacherra police station of Tripura)ত ঘটনাৰ বিষয়ে অৱগত কৰে ৷ ইয়াৰ পাছতেই ত্ৰিপুৰা আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰে ।
ত্ৰিপুৰা আৰক্ষীয়ে মৃতদেহটোৰ কাষত থকা কিছুমান নিচাযুক্ত সামগ্ৰীও জব্দ কৰিবলৈ সক্ষম হয় ৷ ইতিমধ্যে জোৱানজনৰ মৰণোত্তৰ পৰীক্ষা সম্পন্ন হোৱাত আৰক্ষীয়ে আইনী প্ৰক্ৰিয়া অনুসৰি মৃতদেহটো পৰিয়ালৰ লোকক হস্তান্তৰ কৰে ৷
লগতে পঢ়ক : ডাউদৰ সহযোগীৰ বিৰুদ্ধে মুম্বাইত NIA ৰ অভিযান
