মিজোৰাম, 2 এপ্ৰিল: দেশৰ বিভিন্ন প্ৰান্তত ক'ভিড-19 ত আক্ৰান্ত লোকৰ সংখ্যা বৃদ্ধি পোৱাৰ সমান্তৰালকৈ মিজোৰামত তিনিগৰাকী লোক নতুনকৈ ক'ভিড-19 ত আক্ৰান্ত হৈছে ৷ জানিব পৰা মতে, ৰাজ্য খনৰ TrueNAT পৰীক্ষাগাৰত পৰীক্ষা কৰা 11 টা নমুনাৰ ভিতৰত 10 গৰাকীৰ ফলাফল নিগেটিভ হোৱাৰ পৰিৱৰ্তে এগৰাকী ক'ৰণাত আক্ৰান্ত বুলি ধৰা পৰে ৷ আক্ৰান্ত গৰাকী এটি তিনি বছৰীয়া শিশু বুলি জানিব পৰা গৈছে ৷ অৱশ্যে আক্ৰান্ত শিশুটোৰ শৰীৰত ক'ভিড-19 ৰ কোনো লক্ষণ নাই ৷
ইফালে RAgT পৰীক্ষাগাৰত পৰীক্ষা কৰা মুঠ 682 টা নমুনাৰ ভিতৰত অন্য দুগৰাকী লোক ক'ভিড-19 ত আক্ৰান্ত বুলি ধৰা পৰে ৷ আক্ৰান্ত লোক দুগৰাকীৰ বয়স ক্ৰমে 21 আৰু 23 বুলি জানিব পৰা গৈছে ৷ দুয়োগৰাকী আক্ৰান্তই মহিলা আৰু দুয়োগৰাকীৰ শৰীৰতে ক'ভিড-19 ৰ লক্ষণ আছে ৷ ZMC RT-PCR পৰীক্ষাগাৰত 110 টাকৈ নমুনা পৰীক্ষা কৰা হয় যদিও আটাইকেইটা নমুনাৰে ফলাফল নিগেটিভ আহে ৷
1 এপ্ৰিলত দুগৰাকী লোকক ক'ভিড কেয়াৰ চেন্টাৰৰ পৰা অব্যাহতি দিয়া হয় ৷ উল্লেখ্য যে, ৰাজ্যখনৰ মুঠ ক'ভিডত আক্ৰান্ত লোকৰ সংখ্যা 4476 হোৱাৰ বিপৰীতে 1 এপ্ৰিলৰ দিনটোত ৰাজ্যখনত সক্ৰিয় অৱস্থাত ক'ভিড-19 আক্ৰান্ত হৈ থকা ৰোগীৰ সংখ্যা আছিল 29 গৰাকী ৷
লগতে পঢ়ক: দেশত তৃতীয় পৰ্যায়ৰ COVID-১৯ ৰ প্ৰতিষেধক প্ৰদান আৰম্ভ
