নেশ্যনেল ডেস্ক, 14 জুলাই: মণিপুৰত অব্যাহত আছে জাতিগত হিংসা ৷ ইয়াৰ মাজতে গৃহ মন্ত্ৰালয়ে মেইটেই পাংগল আৰু নগাৰ (Meitei Pangal and Naga) নিৰপেক্ষ সম্প্ৰদায়ৰ মধ্যস্থতাকাৰীত মেইটেই আৰু কুকিসকলৰ মাজত শান্তি স্থাপনৰ বাবে প্ৰচেষ্টা চলাইছে ৷ গৃহ মন্ত্ৰালয়ৰ নিৰ্দেশনা অনুসৰি মণিপুৰৰ মুখ্যমন্ত্ৰী এন বীৰেন সিঙে ৰাজ্যখনৰ এই দুটা সম্প্ৰদায়ৰ নেতাসকলক কুকি আৰু মেইটেই নেতাসকলৰ সৈতে আলোচনা কৰিবলৈ আৰু 3 মে’ৰ পৰা অব্যাহত থকা এই চলিত হিংসাৰ সমাপ্তি ঘটাবলৈ আহ্বান জনাইছে ৷
গৃহ মন্ত্ৰালয়ৰ এজন জ্যেষ্ঠ বিষয়াই ইটিভি ভাৰতক কয়, "মণিপুৰৰ মুখ্যমন্ত্ৰী এন বীৰেন সিঙে ইতিমধ্যে মণিপুৰ মুছলিম কল্যাণ সংস্থা (Manipur Muslim Welfare Organisation) আৰু নগা সম্প্ৰদায়ৰ নেতাসকলৰ সৈতে বুধবাৰে কথা পাতি তেওঁলোকক কুকি আৰু মেইটেইৰ সৈতে আলোচনা আৰম্ভ কৰিবলৈ আহ্বান জনাইছে ৷’’
মেইটেই পাংগল হৈছে মণিপুৰৰ থলুৱা মুছলমান সম্প্ৰদায় । ই মণিপুৰত বাস কৰা চাৰিটা মুখ্য জনগোষ্ঠী মেইটেই, নগা আৰু কুকিসকলৰ মাজত আছে ৷ মণিপুৰৰ উপত্যকা অঞ্চলত মেইটেইৰ পিচত এই মুছলমান সম্প্ৰদায়টো দ্বিতীয় সৰ্ববৃহৎ জাতি ৷
