নেশ্যনেল ডেস্ক,28 ফেব্ৰুৱাৰী: শনিবাৰে ৰাজস্থানৰ যোধপুৰত সংঘটিত হৈছে এক অঘটন ৷ যোধপুৰৰ চৰকাৰী এছ এন মেডিকেল কলেজৰ চূড়ান্ত ষান্মাষিকৰ এগৰাকী ছাত্ৰই দ্বিতীয় মহলাত থকা নিজৰ কোঠাৰ ভিতৰতে আত্মহত্যা কৰে ৷ মৃত ছাত্ৰ জন জালৌৰ জিলাৰ ৰামসীনৰ বাসিন্দা গেনাৰাম দেৱসী বুলি চিনাক্ত কৰা হৈছে ৷
শনিবাৰে বিয়লি প্ৰায় 7:30 বজাত সংঘটিত হৈছে এই ঘটনা ৷ সহপাঠীয়ে মৃত গেনাৰামৰ মৃজদেহটো কোঠাৰ ভিতৰত ওলমি থকা অৱস্থাত প্ৰত্যক্ষ কৰি খবৰ দিয়ে আৰক্ষীক ৷ পৰৱৰ্তী সময়ত আৰক্ষীয়ে ঘটনাস্থলীত উপস্থিত হৈ মৃতদেহ উদ্ধাৰ কৰি আৰম্ভ কৰে তদন্ত ৷
উল্লেখ্য যে, চিকিৎসা বিজ্ঞানৰ ছাত্ৰ গেনাৰাম দেৱসীয়ে কিয় এনে পন্থা বাচি ল’লে সেই সম্পৰ্কে বৰ্তমান স্পষ্ট হোৱা নাই কোনো তথ্য ৷ আৰক্ষীয়ে ঘটনাস্থলীৰ পৰা এটা টোকা উদ্ধাৰ কৰাৰ কথা জানিবলৈ দিছে ৷
লগতে পঢ়কঃ বঘৰা ৰাজ্যিক চিকিৎসালয়লৈ গ্ৰীণ মৰিগাঁও বঁটা
