নেশ্যনেল ডেস্ক,২০ জুলাই : মণিপুৰৰ ঘটনাক লৈ সৰ্বত্ৰে প্ৰতিক্ৰিয়া অব্যাহত আছে । প্ৰতিটো বিৰোধী দলে মণিপুৰ আৰু কেন্দ্ৰৰ শাসনত থকা বিজেপিক তীব্ৰ সমালোচনা কৰিছে । প্ৰধানমন্ত্ৰী নৰেন্দ্ৰ মোদীৰ নীৰৱতাক লৈও প্ৰশ্ন উত্থাপন কৰিছে বিৰোধীয়ে । বিহাৰৰ উপ-মুখ্যমন্ত্ৰী তথা বিৰোধী দলৰ নেতা তেজস্বী যাদৱেও মণিপুৰৰ হিংসাক লৈ কেন্দ্ৰৰ মোদী চৰকাৰক তীব্ৰ সমালোচনা কৰে । দেশৰ প্ৰধানমন্ত্ৰী কোন বুলি প্ৰশ্ন কৰে তেজস্বী যাদৱে । তেওঁৰ মতে যদি ৰাহুল গান্ধী মণিপুৰলৈ যাব পাৰে, প্ৰধানমন্ত্ৰী নৰেন্দ্ৰ মোদী তালৈ কিয় যাব নোৱাৰে ? সমগ্ৰ দেশে মণিপুৰৰ ঘটনা দেখিছে বুলি তেওঁ উল্লেখ কৰে ।
তেজস্বী যাদৱে লগতে কয় যে যদি মণিপুৰত বিজেপিৰ পৰিৱৰ্তে আন কাৰোবাৰ অৰ্থাৎ বিৰোধী দলৰ চৰকাৰ থাকিলহেঁতেন, তেন্তে তদন্তৰ বাবে সংস্থাসমূহৰ এটা শাৰী লাগিলহেঁতেন । প্ৰধানমন্ত্ৰী নৰেন্দ্ৰ মোদীয়ে বিষয়টোত কিয় নীৰৱ হৈ আছে তেওঁ প্ৰশ্ন কৰে । তেজস্বী যাদৱে দাবী কৰা মতে ক্ষমতাত যি আছে তেওঁ এদিন হ'লেও যাবলৈ বাধ্য, সেয়েহে কোনেও অহংকাৰ কৰিব নালাগে ।
তেওঁ কয় যে মণিপুৰৰ পৰা এটা লজ্জাজনক ভিডিঅ' ভাইৰেল হৈছে । মুখ্যমন্ত্ৰীয়ে তাত কি বিবৃতি দিছে তেওঁ প্ৰশ্ন কৰে । প্ৰধানমন্ত্ৰীয়ে এতিয়াও ইয়াক লৈ নীৰৱ হৈ আছে । বেংগালুৰুৰ বিৰোধীৰ বৈঠকত এই বিষয়টো উত্থাপন কৰা হৈছিল বুলিও তেওঁ উল্লেখ কৰে ।
উপ-মুখ্যমন্ত্ৰী তেজস্বী যাদৱে ভাৰতীয় জনতা পাৰ্টিক লক্ষ্য কৰি কয় যে কিছুমান লোকে বেংগালুৰুৰ বৈঠকখনৰ বিষয়ে বিভিন্ন উৰাবাতৰি বিয়পাই আছে । কিন্তু যিটো সত্য সেয়া সকলোৱে জানে । যদি বিৰোধীয়ে প্ৰধানমন্ত্ৰী মোদীক সিংহাসনৰ পৰা আঁতৰাবলৈ একত্ৰিত হৈছে, তেন্তে অসন্তুষ্টি কিহৰ বুলি তেওঁ প্ৰশ্ন কৰে । তেজস্বী যাদৱ দাবী কৰা মতে বেংগালুৰুৰ বৈঠক সম্পূৰ্ণৰূপে সফল হৈছে আৰু বাকীবোৰ সফলতা মুম্বাইত হ'ব । মুম্বাইত সকলো স্পষ্ট হ'ব । কোন দলে কিমানখন আসনত প্ৰতিদ্বন্দিতা কৰিব, কোনখন ৰাজ্যত দলটোৱে প্ৰতিদ্বন্দিতা কৰিব, মুম্বাইৰ বৈঠকত সকলো স্পষ্ট হ'ব বুলি তেওঁ উল্লেখ কৰে ।
লগতে পঢ়ক :Oppositions slams PM Modi : অশান্ত মণিপুৰ, প্ৰধানমন্ত্ৰীৰ নীৰৱতাক লৈ প্ৰশ্ন বিৰোধীৰ
