নেশ্যনেল ডেস্ক,১২ মে': অৱশেষত মিজোৰামৰ চেৰছিপ সমষ্টিৰ বিধায়ক হিচাপে শপত গ্ৰহণ কৰিলে লালদুহ'মাই । ২৬ নং চেৰছিপ(অনুসূচিত জাতি) বিধানসভা সমষ্টিৰ উপ-নিৰ্বাচনত নিৰ্বাচিত হৈছিল ।
যোৱা ২ মে'ত নিৰ্বাচনৰ ফলাফল ঘোষণা কৰা হৈছিল । যোৱা ২৭ নৱেম্বৰত সংবিধানৰ দশম অনুসূচীৰ অধিনিয়ম উলংঘনৰ বাবে মিজোৰাম বিধানসভাৰ অধ্যক্ষ লালৰিনলিয়ানা চাইল'ই জ'ৰাম পিপলছ মুভমেণ্ট তথা বিধায়িনী দলৰ নেতা লালদুহ'মাক অযোগ্য ঘোষণা কৰিছিল ।
২০২০ চনৰ ছেপ্তেম্বৰ মাহত, শাসনাধিষ্ঠিত এম এন এফ দলৰ ১২ জন বিধায়কে সংবিধানৰ নীতি উলংঘা কৰাৰ অভিযোগ তুলি লালদুহ'মাক অযোগ্য ঘোষণা কৰাৰ দাবী জনাই অধ্যক্ষৰ ওচৰত এখন আবেদন দাখিল কৰিছিল ।
মঙলবাৰে শপত গ্ৰহণ অনুষ্ঠানত উপস্থিত থাকে গৃহমন্ত্ৰী লালচামলিয়ানা, বিদ্যালয় শিক্ষা মন্ত্ৰী লালচান্দামা ৰাল্টেৰ লগতে বিধায়ক ড৹ জেড আৰ থিয়ামছাংগা, জ'ডিণ্টলুৱাংগা ৰাল্টে, কে টি ৰোখাও, লালৰিন্দিকা ৰাল্টে, ড০ বি ডি চাকমা, ভানলালহলানা, ড৹ ভানলালথলানা আৰু লালচুৱানথাংগা ।
