নিউজ ডেস্ক, 2 নৱেম্বৰ : নিউজক্লিকৰ প্ৰতিষ্ঠাপক প্ৰবীৰ পুৰকায়স্থ আৰু এইচ আৰ মুৰব্বী অমিত চক্ৰৱৰ্তীক 9 দিনৰ আৰক্ষীৰ জিম্মা শেষ হোৱাৰ পিছত বৃহস্পতিবাৰে পটিয়ালা হাউছ কোৰ্টত হাজিৰ কৰোৱা হয় ৷ পাটিয়ালা হাউছ কোৰ্টৰ ন্যায়াধীশ হৰদীপ কৌৰে দুয়োজন অভিযুক্তক 1 ডিচেম্বৰলৈকে ন্যায়িক জিম্মালৈ প্ৰেৰণ কৰে ৷ যোৱা 3 অক্টোবৰত দিল্লী আৰক্ষীৰ বিশেষ কোষে বেআইনী কাৰ্যকলাপ আইন (ইউএপিএ)ৰ অধীনত দুয়োকে গ্ৰেপ্তাৰ কৰিছিল ৷ চীনৰ পৰা ধন লৈ চৰকাৰ বিৰোধী আঁচনি চলোৱাৰ অভিযোগত গ্ৰেপ্তাৰ কৰা হৈছিল দুয়োজনক ৷
ইয়াৰ পূৰ্বে 25 অক্টোবৰত আৰক্ষীয়ে দুয়োকে সোধা-পোছাৰ বাবে আৰক্ষীৰ জিম্মাত বিচাৰিছিল ৷ ইয়াৰ পূৰ্বে পুৰকায়স্থই তেওঁৰ প্ৰতিষ্ঠানৰ ইলেক্ট্ৰনিক সঁজুলি (কম্পিউটাৰ) ঘূৰাই দিয়াৰ দাবীত আদালতত আবেদন দাখিল কৰিছিল ৷ যাৰ ওপৰত আদালতে দিল্লী আৰক্ষীক জাননী জাৰি কৰি 10 দিনৰ ভিতৰত উত্তৰ বিচাৰিছিলল ৷ কম্পিউটাৰৰ উপৰিও দিল্লী আৰক্ষীয়ে জব্দ কৰিছিল মোবাইল, লেপটপকে ধৰি অন্যান্য ইলেক্ট্ৰনিক সঁজুলি ৷ ইয়াৰ পিছত জব্দ কৰা যন্ত্ৰসমূহৰ পৰা তথ্য আহৰণ কৰাৰ পাছত আৰক্ষীয়ে পুৰকায়স্থ আৰু চক্ৰৱৰ্তীক জেৰা কৰে ৷
এই কাৰণতে আৰক্ষীয়ে তেওঁক গ্ৰেপ্তাৰ কৰাৰ পিছত প্ৰথমে জিম্মাত বিচৰা নাছিল ৷ নিউজ পৰ্টেলটোৱে দেশৰ ফেডাৰেল গাঁথনিৰ ক্ষতিসাধন কৰিবলৈ চেষ্টা কৰাৰো অভিযোগ উত্থাপন হৈছে ৷ দুয়োকে গ্ৰেপ্তাৰ কৰাৰ পূৰ্বে আৰক্ষীয়ে অভিযান চলাই নিউজ ক্লিকৰ সৈতে জড়িত 9 গৰাকী মহিলা সাংবাদিককে ধৰি 40 জনতকৈ অধিক লোকক জেৰা কৰিছিল ৷ ইয়াৰ পিছত দক্ষিণ দিল্লী অঞ্চলত অৱস্থিত নিউজ ক্লিকৰ কাৰ্যালয়টোও ছীল কৰা হয় ৷
লগতে পঢ়ক : Bhutan King Assam Visit : দুদিনীয়া কাৰ্যসূচীৰে অসমলৈ আহিব ভূটানৰ ৰজা
