নিউজ ডেস্ক, ১৩ মে' : ২০০৮ চনৰ ১৩ মে'ৰ এক কাল সন্ধিয়া (2008 Jaipur Rajasthan bomb blast) । ৮ টা ধাৰাবাহিক বোমা বিস্ফোৰণৰ পিচত ৰক্তৰঙা হৈ পৰিছিল গুলপীয়া চহৰখন । পৰ্কোটৰ বিভিন্ন স্থানত বোমা বিস্ফোৰণৰ ফলত ৭১ জন লোক নিহত হয় (71 killed in Jaipur bomb blast) । আনহাতে, ১৮৫ জনৰো অধিক লোক আহত হয় । তেওঁলোকৰ শৰীৰ আৰু মনত এতিয়াও সেই ভয়ংকৰ দৃশ্যৰ দুৰ্বিষহ স্মৃতিচিহ্নই বিৰাজ কৰি আছে ।
কিন্তু উক্ত বিস্ফোৰণৰ অভিযুক্তসকল এতিয়াও শাস্তি লাভৰ পৰা বহু দূৰৈত আছে । পূৰ্বতে নিম্ন আদালতে তেওঁলোকক মৃত্যুদণ্ড প্ৰদান কৰিছিল । কিন্তু উচ্চ ন্যায়ালয়ে তদন্তকাৰী সংস্থাৰ ওপৰত প্ৰশ্ন উত্থাপন কৰি তেওঁলোকক নিৰ্দোষ সাব্যস্ত কৰিছিল । ইফালে ভুক্তভোগীসকলে এই সিদ্ধান্তৰ বিৰুদ্ধে উচ্চতম ন্যায়ালয়ৰ কাষ চাপে । এই ক্ষেত্ৰত দেশৰ সৰ্বোচ্চ ন্যায়ালয়ে ১৭ মে'ৰ ভিতৰত অভিযুক্ত আৰু ৰাজ্য চৰকাৰৰ পৰা প্ৰতিক্ৰিয়া বিচাৰিছে (15 years of Jaipur bomb blast) ।
ন্যায়ৰ বাবে অপেক্ষা কৰাৰ ১৫ বছৰ পাৰ হৈ গ'ল, কিন্তু এতিয়াও ন্যায় প্ৰদান কৰা হোৱা নাই (15th anniversary of Jaipur bomb blast) । জয়পুৰত ধাৰাবাহিক বোমা বিস্ফোৰণত বহুতো পৰিয়াল বিধ্বস্ত হৈছিল । প্ৰায় ১,২৯৩ জন সাক্ষী আৰু প্ৰমাণ উপস্থাপন কৰা হৈছিল । অৱশ্যে চান্দপোল হনুমান মন্দিৰৰ বাহিৰত বিস্ফোৰণ সংঘটিত কৰা চাৰৱান আজমী, চাংগানেৰী গে'ট হনুমান মন্দিৰ বোমা বিস্ফোৰণৰ দোষী ছলমান, মানক চক খাণ্ডেৰ অভিযুক্ত মহম্মদ চৈফ আৰু চোটি চৌপাৰ বিস্ফোৰণৰ অভিযুক্ত চাইফুৰ ৰহমানে এতিয়াও শাস্তি লাভ কৰা নাই । আৰক্ষীয়ে ধাৰাবাহিক বোমা বিস্ফোৰণ গোচৰত অভিযুক্ত হিচাবে চাৰিজন মূল অভিযুক্তসহ ১৩ জন অভিযুক্তৰ নাম উল্লেখ কৰিছিল । তেওঁলোকৰ তিনিজন পলাতক হৈ আছে আৰু তিনিজন তিহাৰ কাৰাগাৰত বন্দী হৈ আছে । আনহাতে, এনকাউণ্টাৰত দুজন নিহত হোৱাৰ বিপৰীতে এজনক ইতিমধ্যে আদালতে নিৰ্দোষী সাব্যস্ত কৰিছে ।
জয়পুৰ এনেদৰে জোকাৰি গৈছিল :
প্ৰথম বিস্ফোৰণ– সন্ধিয়া 7.20 বজাত
হাৱা মহলৰ সন্মুখত মানক চকৰ বোমা বিস্ফোৰণত এগৰাকী মহিলা নিহত হয় । আনহাতে, ১৮ জন লোক আহত হয় ।
দ্বিতীয় বিস্ফোৰণ– সন্ধিয়া 7.25 বজাত
ত্ৰিপলিয়া বজাৰত মণিহাৰ খণ্ডত তলা-ছাবিৰ দোকানৰ ওচৰত এই বিস্ফোৰণ সংঘটিত হৈছিল । এই বিস্ফোৰণত 6 জন লোকৰ মৃত্যু হোৱাৰ লগতে ২৭ জন আহত হয় ।
তৃতীয় বিস্ফোৰণ- সন্ধিয়া 7.30 বজা
চোটি চৌপাৰত কোতৱালীৰ বাহিৰৰ এটা পাৰ্কিং লটত সংঘটিত বিস্ফোৰণত দুজন আৰক্ষীসহ সাতজন লোক নিহত হয় । আনহাতে, ১৭ জন আহত হয় ।
চতুৰ্থ বিস্ফোৰণ- সন্ধিয়া 7.30 বজা
ত্ৰিপলিয়া বজাৰত হোৱা বিস্ফোৰণত ৫ জন লোক নিহত হোৱাৰ উপৰি ৪ জন আহত হয় ।
পঞ্চম বিস্ফোৰণ– সন্ধিয়া 7.30 বজাত
বিস্ফোৰণটো চান্দপোল হনুমান মন্দিৰৰ বাহিৰৰ পাৰ্কিং ষ্টেণ্ডত সংঘটিত হয় । এই বিস্ফোৰণত সৰ্বাধিক 25 জন লোকৰ মৃত্যু হয় । আনহাতে, ৪৯ জন আহত হয় ।
ষষ্ঠ বিস্ফোৰণ- সন্ধিয়া 7.30 বজা
জোহৰি বজাৰত ৰাষ্ট্ৰীয় হস্ততাঁত নিগমৰ সন্মুখত এটা বিস্ফোৰণ সংঘটিত হয় । এই বিস্ফোৰণত 8 জন লোকৰ মৃত্যু হোৱাৰ লগতে আন ১৯ জন আহত হয় ।
সপ্তম বিস্ফোৰণ- সন্ধিয়া 7.35 বজা
চোটি চাউপাৰত ফুলৰ দোকানত সংঘটিত বিস্ফোৰণত 2 জন লোকৰ মৃত্যু হয় । আনহাতে, ১৫ জন আহত হয় ।
অষ্টম বিস্ফোৰণ - সন্ধিয়া 7.36 বজা
সংগনেৰী গে'ট হনুমান মন্দিৰৰ বাহিৰত হোৱা বিস্ফোৰণত ১৭ জন লোক নিহত হয় । আনহাতে, ৩৬ জন আহত হয় । ইয়াৰ উপৰি চান্দপোল বজাৰৰ পৰা এটা সক্ৰিয় বোমাও পোৱা গৈছিল । নিশা 9 বজাত ইয়াৰ টাইমাৰ সক্ৰিয় কৰা আছিল । কিন্তু 15 মিনিট পূৰ্বে বোমা স্কোৱাডৰ দলে ইয়াক নিষ্ক্ৰিয় কৰে ।
শনিবাৰে এই ধাৰাবাহিক বোমা বিস্ফোৰণৰ বাৰ্ষিকী উপলক্ষে সমগ্ৰ চহৰখনতে পদযাত্ৰা, শোকসভা ধৰ্ণা কাৰ্যসূচী ৰূপায়ণ কৰা হয় । কিন্তু যিসকলৰ ঘৰত উক্ত ভয়ংকৰ সন্ধিয়াৰ দুখজনক স্মৃতি এতিয়াও সজীৱ হৈ আছে, তেওঁলোকে আজি কেৱল ন্যায়ৰ বাবে অপেক্ষা কৰি আছে । আনহাতে, ইটিভি ভাৰতৰ সাংবাদিকে চহৰখনৰ চাংগানেৰী গে'ট, চোটি চৌপাৰ আৰু চান্দপোল হনুমান মন্দিৰত উপস্থিত হোৱাত ১০-১৫ মিনিটত ধৰি হোৱা ধাৰাবাহিক বিস্ফোৰণৰ সাক্ষী চাংগানেৰী গে'ট হনুমান মন্দিৰৰ পুৰোহিত ভানৱাৰ লাল শৰ্মাই কয় যে দিনটো আছিল মঙলবাৰ । বজৰংবলীৰ দুগ্ধ অভিষেকৰ দিন আছিল । মন্দিৰত সম্পূৰ্ণ ৰূপত প্ৰস্তুতি চলি আছিল । সেই সময়তে বোমাটো বিস্ফোৰণ ঘটে । বিস্ফোৰণত সহকৰ্মী পণ্ডিত, প্ৰসাদ বিতৰক, তেওঁৰ সন্তান আৰু ভিক্ষাৰীসকল আঘাতপ্ৰাপ্ত হয় আৰু সমগ্ৰ ঠাইখিনি ৰক্তাক্ত হৈ পৰে ।
একে সময়তে চোটি চৌপাৰত 2 টা বোমা বিস্ফোৰণ সংঘটি হয় । কোতৱালী আৰক্ষী থানাৰ বাহিৰত সংঘটিত বোমা বিস্ফোৰণত দুজন আৰক্ষী ভাৰত ভূষণ আৰু দীপক যাদৱ নিহত হয় । ফুলৰ দোকানত বিস্ফোৰণৰ ফলত আঘাতপ্ৰাপ্ত ভুক্তভোগীগৰাকীয়ে কয় যে তেওঁ আনদিনাৰ মন্দিৰত উপাসনা কৰিবলৈ আহিছিল । বাৰাণ্ডাৰ ওচৰত এখন চাইকেল ৰখা হৈছিল আৰু তাতেই বিস্ফোৰণটো সংঘটিত হৈছিল । বিস্ফোৰণত ছিটিকি অহা এটা লোৰ টুকুৰাই তেওঁক খুন্দা মাৰিছিল ।
তেওঁ চিকিৎসালয়ৰ পৰা উভতি অহাৰ পিচত বিস্ফোৰণৰ ফলত ওচৰৰ বহুতো ব্যৱসায়ী আৰু পৰিচিত লোকৰ মৃত্যু হোৱাৰ কথা জানিব পাৰে । চান্দপোল মন্দিৰৰ বাহিৰত লগ পোৱা ভুক্তভোগী দেৱী সিঙে কয় যে তেওঁ এজন হকাৰ আছিল আৰু কাগজ-পত্ৰ বিতৰণ কৰি উভতি আহিছিল । তাৰ পিচত এটা বিস্ফোৰণ হৈছিল আৰু তেওঁৰ শৰীৰত দুটা স্প্ৰিণ্টাৰে আঘাত কৰে । তাৰে এটাই বৃক্কৰ ক্ষতি কৰে । বৰ্তমান তেওঁ কেৱল এটা বৃক্কৰ সহায়ত জীয়াই আছে । কোনো গধুৰ বস্তু ডাঙিব নোৱাৰে । পৰিয়ালটোৰ অৱস্থা ভাল নহয় আৰু তেওঁলোকে চৰকাৰৰ পৰা সহায় আশা কৰিছে ।
বৰ্তমান দোষীসকলক শাস্তি দিবলৈ উচ্চতম ন্যায়ালয়ৰ কাষ চপা হৈছে । চহৰবাসীসকল আশাবাদী যে তেওঁলোকে ন্যায় পাব । কিন্তু বিগত 15 বছৰত প্ৰতি বছৰে 13 মে'ৰ দিনটোৱে ভুক্তভোগীসকলৰ আঘাতক অধিক সজীৱ কৰি তোলে ।
লগতে পঢ়ক :Manipur Violence : মণিপুৰত নিহতৰ সংখ্যা ৭১ লৈ বৃদ্ধি
