নেশ্যনেল ডেস্ক, ১৮ ডিচেম্বৰ: এফালে প্ৰতিষেধক লাভৰ আশা, আনফালে দ্ৰুত গতিত বৃদ্ধি পাইছে সংক্ৰমণ । মহামাৰীৰ সংক্ৰমণ প্ৰতি নিয়ত অভাৱনীয় হাৰত বাঢ়ি আছে । শনিবাৰে ভাৰতত COVID-১৯ত আক্ৰান্ত ৰোগীৰ সংখ্যাই ১ কোটি অতিক্ৰম কৰে । মাত্ৰ এটা মাহৰ ভিতৰত প্ৰায় ১০ লাখ লোক মহামাৰীৰ কবলত পৰিছে । কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা তথ্য মতে, ৯৫.৫০ লাখ লোক এতিয়ালৈকে মহামাৰীৰ কবলৰ পৰা মুক্ত হৈছে ।
লক্ষণীয়ভাৱে, কৰ'ণাত আক্ৰান্তৰ সংখ্যাই যোৱা ৭ আগষ্টত ২০ লাখ, ২৩ আগষ্টত ৩০ লাখ, ৫ ছেপ্টেম্বৰত ৪০ লাখ, ১৬ ছেপ্টেম্বৰত ৫০ লাখ, ১১ অক্টোবৰত ৭০ লাখ, ২০ নৱেম্বৰত ৯০ লাখৰ ঘৰ অতিক্ৰম কৰে । ইণ্ডিয়ান কাউন্সিল অৱ মেডিকেল ৰিচাৰ্ছে প্ৰকাশ কৰা তথ্য অনুসৰি, শনিবাৰলৈকে ১৬,০০,৯০,৫১৪টা নুমনাৰ পৰীক্ষণ সম্পন্ন হৈছে আৰু যোৱা ১৮ ডিচেম্বৰত ১১,৭১,৮৬৮ জন লোকৰ নমুনা পৰীক্ষা কৰা হৈছে ।
লগতে পঢ়ক:মুম্বাই-আহমেদাবাদৰ মাজত চলিবলগীয়া বুলেট ট্ৰেইনৰ প্ৰথমখন আলোকচিত্ৰ প্ৰকাশ
