নিউজ ডেস্ক, 8 জানুৱাৰী : ভাৰতীয় চিকিৎসা সংস্থাই সকলো সদস্যক ভাৰতবৰ্ষৰ ক’ভিড 19 টিকাকৰণ অভিযানত সক্ৰিয়ভাৱে অংশগ্ৰহণ কৰিবলৈ আহ্বান জনায় । ভাৰতীয় চিকিৎসা সংস্থাই এক বিবৃতিৰ জড়িয়তে কয় যে, ভাৰতত তৎতকালীনভাবে ক’ভিড 19 ৰ ভেকছিনটো উপলব্ধ কৰা হৈছে আৰু এই টিকাকৰণ অভিযানত সহায় কৰাটো সকলোৰে দায়িত্ব আছে ৷
বিবৃতিত লগতে উল্লেখ কৰা হয় যে, ভাৰতীয় চিকিৎসা গৱেষণা পৰিষদ (আইচিএমআৰ) আৰু ৰাষ্ট্ৰীয় ভাইৰ'লজী প্ৰতিষ্ঠান (এনআইভি)ৰ সহযোগত ভাৰতীয় বিজ্ঞানীসকলে অশেষ প্ৰচেষ্টাৰ পাছত দেশীয় ভেকছিনটো বিকশিত কৰা হৈছে ৷ ভাৰতৰ ঔষধ নিয়ন্ত্ৰকে চিৰাম ইনষ্টিটিউটৰ দ্বাৰা নিৰ্মিত অক্সফ’ৰ্ড ক’ভিড 19 ভেকছিন কোভিশ্বিল্ড আৰু ভাৰত বায়োটেকৰ দেশত বিকশিত কোভাক্সিন ভেকছিন দেশত জৰুৰীকালীন ব্যৱহাৰৰ বাবে অনুমোদন জনাইছিল ৷ যাৰ ফলত দেশত ব্যাপক হাৰত ক’ভিড 19 ভেকচিন দিয়াৰ পথ প্ৰশস্ত হৈ পৰে ৷
ভাৰতীয় চিকিৎসা সংস্থাই ক’ভিড ভেকচিন প্ৰস্তুতৰ ক্ষেত্ৰত অৱদান আগবঢ়োৱা সকলো বিজ্ঞানী আৰু গৱেষকসকলৰ অৱদানৰ স্মৰণ কৰি আত্ম নিৰ্ভৰ ভাৰত বিকাশৰ ক্ষেত্ৰত আগবঢ়োৱা অৱদানক প্ৰশংসা কৰে ।
লগতে পঢ়ক : ওড়িশাৰ মুখ্যমন্ত্ৰী পাটনায়কক হত্যাৰ ভাবুকি, ঘটনাৰ তদন্ত আৰম্ভ
