নিউজ ডেস্ক, 23 জুন: সমাজবাদী পাৰ্টিৰ নেতা আজম খানে অভিযোগ কৰিছে যে, বৃহস্পতিবাৰে আজমগড় আৰু ৰামপুৰ সংসদীয় আসনত লোকসভা উপ-নিৰ্বাচনৰ প্ৰাকমুহূৰ্তত উত্তৰ প্ৰদেশ আৰক্ষীয়ে 'ধ্বংসযজ্ঞ' চলাইছিল (Azam Khan alleges police excesses in Rampur)। খানৰ মতে, লোকসভা উপ-নিৰ্বাচনৰ আগনিশা উত্তৰ প্ৰদেশ আৰক্ষীয়ে এছপি লোকসভাৰ প্ৰাৰ্থীৰ সৈতে "অশালীন আচৰণ" কৰে ৷
‘‘মই গোটেই ৰাতি সাৰ পাই আছোঁ ৷ আমাৰ লোকসভাৰ প্ৰাৰ্থীসকল গঞ্জ, কোতৱালী, চিভিল লাইনছ (ৰামপুৰ)লৈ গৈছিল । আটাইতকৈ অশালীন আচৰণ কৰিছিল গঞ্জ থানাৰ উপ-পৰিদৰ্শকে ৷ তেওঁ আনকি হিংসাত্মক ব্যৱহাৰো কৰিছিল ৷ ভোটদানৰ হাৰ হ্ৰাস হ'লে প্ৰশাসকৰ ওপৰত দোষ আৰোপ কৰা হয় ৷" এনেদৰে কয় সমাজবাদী পাৰ্টিৰ নেতা আজম খানে (Azam Khan alleged Uttar Pradesh police misbehave) ৷
খানে লগতে কয়, "যদি লোকসভা উপ-নিৰ্বাচনৰ ভোটদানৰ হাৰ হ্ৰাস পায়, তেন্তে ইয়াৰ দোষ চৰকাৰৰ ওপৰতো আছে । তেওঁলোকে ৰাতিটোৰ ভিতৰতে ধ্বংসযজ্ঞ চলাইছিল । ৰামপুৰ চহৰখনৰ সকলো ঠাইতে জীপ আৰু চাইৰেন আছিল; তেওঁলোকে মানুহক থানালৈ লৈ গৈছিল আৰু তেওঁলোকক প্ৰহাৰ কৰিছিল আৰু মই কিছু ধন বিলোৱাৰ বিষয়েও শুনিছিলো ৷ এয়া লজ্জাজনক" ৷
"মই এজন অপৰাধী, মই স্বীকাৰ কৰো ৷ গতিকে মোৰ চহৰখনো একে বুলি অনুমান কৰা হৈছে । তেওঁলোকে যি বিচাৰে সেয়া কৰিব পাৰে, আমি সহ্য কৰিব লাগিব । যদি মই থাকিব বিচাৰো, মই সহ্য কৰিব লাগিব", লোকসভা উপ-নিৰ্বাচনৰ আগনিশা আৰক্ষীয়ে হিংসাৰ আশ্ৰয় লোৱাৰ দাবী কৰাৰ পিছত সমাজবাদী পাৰ্টিৰ নেতা আজম খানে এইদৰে কয় । খানৰ বিৰুদ্ধে কেইবাটাও অপৰাধমূলক গোচৰ ৰুজু কৰা হৈছে (Case registered against Azam Khan)।
উত্তৰ প্ৰদেশত আজমগড় আৰু ৰামপুৰ লোকসভা সমষ্টিৰ উপ-নিৰ্বাচনৰ বাবে ভোটদান চলি আছে । এই বছৰৰ আৰম্ভণিতে নিৰ্বাচনত বিধায়ক হিচাপে উত্তৰ প্ৰদেশ বিধান সভালৈ নিৰ্বাচিত হোৱা সমাজবাদী পাৰ্টিৰ মুৰব্বী অখিলেশ যাদৱৰ পদত্যাগৰ বাবে আজমগড় আসনৰ উপ-নিৰ্বাচনৰ প্ৰয়োজন হৈছিল ।
সমাজবাদী পাৰ্টিৰ নেতা অখিলেশ যাদৱ আৰু আজম খানে ২০২২ চনৰ বিধানসভা নিৰ্বাচনত জয়লাভ কৰাৰ পিছত সাংসদ পদৰ পৰা পদত্যাগ কৰে ৷ ইয়াৰ পিছত আজমগড় আৰু ৰামপুৰত আসন খালী হৈছিল । অখিলেশ যাদৱ কাৰহল বিধানসভা আসনৰ পৰা বিধায়ক হিচাপে নিৰ্বাচিত হোৱাৰ বিপৰীতে আজম খান ৰামপুৰ সদৰ সমষ্টিৰ পৰা নিৰ্বাচিত হৈছিল ।
2019 ৰ লোকসভা নিৰ্বাচনত, সমাজবাদী পাৰ্টিয়ে বহুজন সমাজবাদী পাৰ্টিৰ সৈতে মিত্ৰতাৰে নিৰ্বাচনত প্ৰতিদ্বন্দিতা কৰিছিল আৰু আজম খান ৰামপুৰৰ পৰা জয়ী হৈছিল । ৰামপুৰৰ পৰা, বিজেপিয়ে শেহতীয়াকৈ দলত যোগদান কৰা ঘনশ্যাম সিং লোধিক প্ৰাৰ্থিত্ব প্ৰদান কৰিছে ৷ আনহাতে সমাজবাদী পাৰ্টিয়ে খানৰ অন্যতম প্ৰিয় অসীম ৰাজাক প্ৰাৰ্থিত্ব প্ৰদান কৰিছে ।
মায়াৱতী নেতৃত্বাধীন বহুজন সমাজবাদী পাৰ্টিয়ে ৰামপুৰৰ পৰা প্ৰতিদ্বন্দিতা কৰা নাই ৷ আজমগড় আসনখনত বিজেপিৰ হৈ এজন বিখ্যাত ভোজপুৰী অভিনেতা-গায়ক দীনেশ লাল যাদৱ 'নিৰ্হুয়া’, সমাজবাদী পাৰ্টিৰ ধৰ্মেন্দ্ৰ যাদৱ আৰু বহুজন সমাজবাদী পাৰ্টিৰ শ্বাহ আলম ওৰফে গুড্ডু জামালীয়ে প্ৰতিদ্বন্দিতা কৰিব ।
লগতে পঢ়ক : ৰেডিশ্বন ব্লুলৈ মহাৰাষ্ট্ৰৰ আৰু চাৰি বিসম্বাদী বিধায়কৰ আগমণ
