নিউজ ডেস্ক, ১৭ জুলাই : তেলেংগানাৰ ৰংগাৰেড্ডী জিলাৰ ফাৰুকনগৰ মণ্ডলৰ বুৰগুলাৰ উপকণ্ঠ অঞ্চলত অৱস্থিত শ্ৰীনাথ ৰোটো পেক প্ৰাইভেট লিমিটেডৰ ডায়েপাৰ আৰু ৰং নিৰ্মাণৰ কাৰখানাত দেওবাৰে নিশা সংঘটিত হয় এক বিস্ফোৰণৰ ঘটনা ৷ এই ঘটনাত গুৰুতৰভাৱে অগ্নিদগ্ধ হয় প্ৰায় ১৪ জনকৈ লোক ৷ আনহাতে আন কেইবাজনো লোক সামান্যভাৱে অগ্নিদগ্ধ হয় ৷
প্ৰাপ্ত তথ্য মতে, দুৰ্ঘটনা সংঘটিত হোৱাৰ সময়ত কাৰখানাটোত ৫০ জনতকৈ অধিক শ্ৰমিক কৰ্মৰত হৈ আছিল ৷ শ্ৰমিকসকলে কাম কৰি থকা সময়তে হঠাতে ৰং নিৰ্মাণৰ মেচিনটো বিস্ফোৰণ ঘটে আৰু জুইৰ লেলিহান শিখাই কাৰখানাটো চানি ধৰে ৷ তেওঁলোকে জুই নিয়ন্ত্ৰণৰ বাবে চেষ্টা কৰে যদিও ব্যৰ্থ হয় ৷ ইফালে অগ্নিকাণ্ডৰ তথ্য লাভ কৰাৰ পাচতেই ঘটনাস্থলীত আৰক্ষী আৰু অগ্নিনিৰ্বাপক বাহিনীৰ লোক উপস্থিত হৈ জুই নিয়ন্ত্ৰণলৈ আনে । জানিব পৰা মতে, এই অগ্নিকাণ্ডত হতাহত হোৱা আটাইকেইজন লোকৰ বয়স ৩০ বছৰৰ তলৰ ।
