নিউজ ডেস্ক, ১ জুন : হিমাচল প্ৰদেশৰ মাণ্ডি জিলাৰ কাৰচোগত সংঘটিত হৈছে এক বাছ দুৰ্ঘটনা (Road Accident in Himachal Pradesh) । হিমাচল ৰাজ্যিক পৰিবহণ নিগমৰ এখন বাছ খাৱৈত বাগৰি পৰে (HRTC bus accident in Mandi Himachal) । দুৰ্ঘটনাটোৰ সময়ত বাছখনত ৪৭ জন যাত্ৰী থকা বুলি জানিব পৰা গৈছে । জানিব পৰা মতে, দুৰ্ঘটনাটোৰ ফলত কেইবাজনো যাত্ৰী আহত হয় । দুৰ্ঘটনাটো সংঘটিত হোৱাৰ লগে লগে স্থানীয় লোক গৈ দুৰ্ঘটনাস্থলীত উপস্থিত হয় আৰু আৰক্ষীক অৱগত কৰে । বৰ্তমান আৰক্ষী, প্ৰশাসন আৰু স্থানীয় লোকৰ লগতে এইচআৰটিচিৰ বিষয়াসকল ঘটনাস্থলীত উপস্থিত আছে আৰু উদ্ধাৰ অভিযান চলি আছে ।
বৃহস্পতিবাৰে পুৱা সংঘটিত এই দুখজনক ঘটনাটোত বাছখন ৰাস্তাৰ পৰা প্ৰায় ৩০০ ফুট দ খাৱৈত বাগৰি পৰে (HRTC bus accident in Karsog Himachal Pradesh) । চালক আৰু কণ্ডাক্টৰকে ধৰি ৪৫ জন যাত্ৰী কঢ়িয়াই নিয়া বাছখন পুৱা প্ৰায় ১০ বজাত এই ভয়ংকৰ দুৰ্ঘটনাত পতিত হয় । যাৰ ফলত বহু যাত্ৰী আঘাতপ্ৰাপ্ত হয় । অৱশ্যে ইমান এটা ডাঙৰ দুৰ্ঘটনা সত্ত্বেও ভাগ্যৰ বলত যাত্ৰীসকল অধিক দুৰ্যোগৰ পৰা ৰক্ষা পৰে । আঘাতপ্ৰাপ্ত যাত্ৰীসকলক তাৎক্ষণিক স্থানীয় চিকিৎসালয়ত ভৰ্তি কৰোৱা হয় ।
প্ৰকাশিত বাতৰি অনুৰি, দুৰ্ঘটনাটো মাণ্ডি-কাৰচোগ ৰোডৰ ভানেৰাৰ ওচৰত সংঘটিত হয় । এটা একা-বেঁকা এই পথছোৱা অতি বিপদসংকুল আৰু দুৰ্ঘটনা প্ৰৱণ । আনহাতে, বিভাগীয় কৰ্তৃপক্ষই দুৰ্ঘটনাটোৰ কাৰণ জানিবলৈ অনুসন্ধান কৰি আছে । অৱশ্যে এতিয়ালৈকে দুৰ্ঘটনাৰ কাৰণ সম্পৰ্কে কোনো নিশ্চিত সিদ্ধান্তত উপনীত হোৱা নাই ।
উল্লেখ্য যে কেইদিনমান পূৰ্বে জম্মুতো এক ভয়ানক দুৰ্ঘটনা সংঘটিত হৈছিল । পঞ্জাবৰ পৰা বৈষ্ণোদেৱী মন্দিৰলৈ তীৰ্থযাত্ৰী কঢ়িয়াই নিয়া এখন বাছ খাৱৈত বাগৰি পৰিছিল । উক্ত দুৰ্ঘটনাটোত ১০ জন তীৰ্থযাত্ৰীৰ মৃত্যু হোৱাৰ লগতে কেইবাজনো লোক আহত হয় । অৱশ্যে হিমাচল প্ৰদেশত সংঘটিত এই দুৰ্ঘটনাৰ ফলত কোনো লোকৰ মৃত্যুৰ খবৰ এতিয়ালৈকে পোৱা হোৱা নাই ।
লগতে পঢ়ক :Train caught fire at Kannur Railway station: কন্নুৰ ৰে’লৱে ষ্টেচনত ৰে’লত লাগিল জুই
