নিউজ ডেস্ক, ৪ জানুৱাৰী : দিল্লী উচ্চ ন্যায়ালয়ে বৃহস্পতিবাৰে বহিষ্কৃত লোকসভা সদস্য তথা তৃণমূল নেত্ৰী মহুৱা মৈত্ৰক চৰকাৰে আৱণ্টন কৰা আবাসৰ দখল অব্যাহত ৰখাৰ অনুমতিৰ বাবে সম্পত্তি সঞ্চালকালয়ৰ কাষ চাপিবলৈ কৈছে ।
ন্যায়াধীশ সুব্ৰমণিয়ম প্ৰসাদে উল্লেখ কৰে যে সংশ্লিষ্ট নিয়মবোৰে কৰ্তৃপক্ষক এক ব্যতিক্ৰমী পৰিস্থিতিতহে এক নিৰ্দিষ্ট সময়ৰ বাবে কোনো বাসিন্দাক অতিৰিক্ত সময় থাকিবলৈ দিয়াৰ অনুমতি দিয়ে ।
"সম্পত্তি সঞ্চালকালয়লৈ এই বিষয়টো লৈ যাওক । তাত আইন অনুসৰি ব্যৱস্থা লোৱা হ'ব ।" ন্যায়াধীশে কয় । আনহাতে, আদালতে মহুৱা মৈত্ৰক বৰ্তমানৰ আবেদন প্ৰত্যাহাৰ কৰিবলৈ অনুমতি দিয়ে । আনহাতে, আইনখনে এগৰাকী বাসিন্দাক চৌহদৰ পৰা উচ্ছেদ কৰাৰ পূৰ্বে জাননী প্ৰদান কৰাটো বাধ্যতামূলক কৰিছিল ।
এইটো কোৱাৰ প্ৰয়োজন নাই যে চৰকাৰে আইন অনুসৰি আবেদনকাৰীক উচ্ছেদ কৰাৰ পদক্ষেপ ল'ব । আদালতে লগতে কয় ।
নিজৰ আবেদনত মহুৱা মৈত্ৰই আহ্বান জনাইছিল যে সম্পত্তি সঞ্চালকালয়ৰ ১১ ডিচেম্বৰৰ আদেশটো উঠাই লোৱা হওক বা বিকল্প অনুসৰি ২০২৪ চনৰ লোকসভা নিৰ্বাচনৰ ফলাফল ঘোষণা নোহোৱালৈকে তেওঁক বাসস্থানৰ ওপৰত অধিকাৰ ৰাখিবলৈ অনুমতি দিয়া হওক ।
উল্লেখ্য যে ব্যৱসায়ী দৰ্শন হিৰানন্দনীৰ পৰা উপহাৰ গ্ৰহণ কৰা আৰু তেওঁৰ সংসদৰ ৱেবছাইটৰ ইউজাৰ আইডি আৰু পাছৱৰ্ড তেওঁক ব্যৱহাৰ কৰিবলৈ দিয়াৰ অভিযোগত মহুৱা মৈত্ৰক 'অনৈতিক আচৰণ'ৰ বাবে দোষী সাব্যস্ত কৰা হয় আৰু ২০২৩ বৰ্ষৰ 8 ডিচেম্বৰত লোকসভাৰ পৰা বহিষ্কাৰ কৰা হয় ।
আনহাতে, লোকসভাই তেওঁক বহিষ্কাৰ কৰাৰ পৰামৰ্শ দিয়া নৈতিক সমিতিৰ প্ৰতিবেদন গ্ৰহণ কৰাৰ পিছত তেওঁ ইতিমধ্যে উচ্চতম ন্যায়ালয়ত বহিষ্কাৰৰ প্ৰত্যাহ্বান জনাইছে ।
লগতে পঢ়ক :বিজেপিয়ে মোক গ্ৰেপ্তাৰ কৰিব বিচাৰে; দিল্লীৰ মুখ্যমন্ত্ৰী অৰবিন্দ কেজৰিৱাল
