নেশ্য়নেল ডেস্ক, 19 ডিচেম্বৰ : প্ৰসংগ জ্ঞানবাপী মছজিদ ৷ আজি অৰ্থাৎ মঙলবাৰে এলাহাবাদ উচ্চ ন্যায়ালয়ে জ্ঞানবাপী বিবাদ সম্পৰ্কীয় ৫ খন আবেদনৰ ৰায়দান কৰাৰ সম্ভাৱনা আছে ৷ যোৱা ৮ ডিচেম্বৰৰ শুনানিত, আদালতে দুয়োপক্ষৰ যুক্তি শুনি ৰায় সংৰক্ষিত ৰাখিছিল ৷
ইয়াৰে তিনিখন আবেদন 1991 চনত বাৰাণসী আদালতত দাখিল কৰা গোচৰৰ সৈতে সম্পৰ্কিত ৷ আনহাতে ভাৰতৰ প্ৰত্নতাত্ত্বিক জৰীপ বিভাগৰ(এ এছ আই) জৰীপ আদেশৰ বিৰুদ্ধে দুখন আবেদন দাখিল কৰা হৈছিল । 1991 চনৰ গোচৰটোত, বিতৰ্কিত চৌহদটো হিন্দুসকলক হস্তান্তৰ কৰিবলৈ দাবী জনোৱা হৈছিল । ইয়াৰ উপৰিও, ইয়াত উপাসনা কৰাৰ অনুমতিও বিচৰা হৈছিল ৷
জ্ঞানবাপী বিবাদ সম্পৰ্কীয় ৫ খন আবেদনৰ ওপৰত সিদ্ধান্ত:
এই গোচৰটো 1991 চনত বাৰাণসী জিলা আদালতত দাখিল কৰা হৈছিল। ইয়াৰ পিচতে বাৰাণসী আদালতে এই গোচৰটোৰ শুনানি দিব পাৰিব নে নোৱাৰে এই সন্দৰ্ভত এলাহাবাদ উচ্চ ন্যায়ালয়ে সিদ্ধান্ত গ্ৰহণ কৰে ৷ এই ক্ষেত্ৰত তিনিবাৰ ৰায় সংৰক্ষণ কৰাৰ পিচত, আদালতে পুনৰ আবেদনসমূহৰ ওপৰত দুয়োপক্ষৰ যুক্তি তৰ্ক শুনিছিল । যোৱা 8 ডিচেম্বৰত এই ৰায় সংৰক্ষিত ৰখা হৈছিল ৷ উত্তৰ প্ৰদেশ চুন্নী কেন্দ্ৰীয় ৱাকফ বোৰ্ড, হিন্দু পক্ষ আৰু অঞ্জুমান মছজিদ সমিতিয়ে এলাহাবাদ উচ্চ ন্যায়ালয়ত তেওঁলোকৰ যুক্তি উপস্থাপন কৰিছিল।
এ এছ আই জৰীপৰ প্ৰতিবেদন এতিয়াও দাখিল কৰা হোৱা নাই:
মুছলমান পক্ষৰ হৈ, 1936 চনত দীন মহম্মদ গোচৰৰ সিদ্ধান্তৰ বিষয়ে আদালতত তথ্য দিয়া হৈছিল। তিনিবাৰ ৰায় সংৰক্ষণ কৰাৰ পিচত, আদালতত বিষয়টোৰ পুনৰ শুনানি আছিল। শেহতীয়াকৈ, এ এছ আইয়ে জ্ঞানবাপী চৌহদৰ জৰীপ কৰিছিল। আনকি জৰীপ সম্পূৰ্ণ হোৱাৰ পাচতো, এ এছ আইয়ে প্ৰতিবেদনখন আদালতত দাখিল কৰা নাই ৷
লগতে পঢ়ক: জ্ঞানবাপী মছজিদ জৰীপৰ প্ৰতিবেদন দাখিল; ২১ ডিচেম্বৰত শুনানি
