নেশ্যনেল ডেস্ক, 27 আগষ্ট: মণিপুৰৰ প্ৰাক্তন মুখ্যমন্ত্ৰী তথা কংগ্ৰেছ নেতা ওক্ৰাম ইবোবি সিঙে মঙলবাৰ অৰ্থাৎ 29 আগষ্টৰ দিনা অনুষ্ঠিত হ’বলগীয়া আগন্তুক বৰ্ষাকালীন বিধানসভা অধিৱেশনক সমালোচনা কৰি এইক্ষেত্ৰত জনস্বাৰ্থৰ অভাৱ বুলি কয় । কংগ্ৰেছ ভৱনত সংবাদ মাধ্যমৰ আগত ওক্ৰামে এইদৰে কয় । তেওঁ 2 ছেপ্টেম্বৰৰ পূৰ্বে অধিৱেশন অনুষ্ঠিত কৰাৰ সাংবিধানিক প্ৰয়োজনীয়তাৰ বাবেই এদিনীয়া অধিৱেশন আহ্বান কৰা হৈছে বুলি দাবী কৰে ।
কংগ্ৰেছ নেতা ওক্ৰাম ইবোবি সিঙে কয়, "আজি (শনিবাৰে) ব্যৱসায়িক পৰামৰ্শদাতা সমিতিৰ বৈঠকত অংশগ্ৰহণ কৰি গম পালোঁ যে অধিৱেশনখন মাত্ৰ এদিনৰ বাবে হ'ব । যিহেতু 2 ছেপ্টেম্বৰৰ পূৰ্বে অধিৱেশন অনুষ্ঠিত কৰাটো সাংবিধানিক বাধ্যবাধকতা, গতিকে মঙলবাৰৰ অধিৱেশন আহ্বান কৰা হৈছে য’ত এজেণ্ডা হ'ব মৃত্যু তথ্যৰ উল্লেখ কৰাটো ।"
কমিটীৰ সদস্য ওক্ৰমে ৰাজ্যৰ পৰিস্থিতি সন্দৰ্ভত আলোচনাৰ পোষকতা কৰে আৰু এই আলোচনাৰ গুৰুত্ব সন্দৰ্ভত জোৰ দি অধিৱেশন কমেও পাঁচ দিনৰ বাবে বৃদ্ধি কৰাৰ প্ৰস্তাৱ আগবঢ়ায় । বিৰোধী দলৰ সদস্যৰ সংখ্যা কম বুলি উল্লেখ কৰি দলটোৰ লক্ষ্য কেৱল চৰকাৰক সমালোচনা কৰাতকৈ জনসাধাৰণৰ চিন্তাৰ বিষয়সমূহৰ সমাধান কৰা বুলিহে তেওঁ স্পষ্ট কৰি দিয়ে ।
ওক্ৰামে কয়, "সমিতিৰ সদস্য হিচাপে মই প্ৰস্তাৱ দিছিলো যে ৰাজ্যখনৰ অভূতপূৰ্ব পৰিস্থিতিৰ বিষয়ে আলোচনা কৰিবলৈ অধিৱেশনখন কমেও পাঁচদিনীয়াকৈ চলিব লাগে । বিৰোধী দল মাত্ৰ চাৰি-পাঁচজন লোকেৰে গঠিত । আমি ইয়াত চৰকাৰক সমালোচনা কৰিবলৈ অহা নাই ৷ অধিৱেশনত জনসাধাৰণৰ সন্দৰ্ভত আলোচনা কৰিবলৈ আহিব বিচাৰিছে ।"
ওক্ৰামে এদিনৰ বাবে অধিবেশন অনুষ্ঠিত কৰাটো জনস্বাৰ্থৰ পৰিপন্থী ৷ ওক্ৰামে চৰকাৰৰ এদিনীয়া অধিৱেশনক সাংবিধানিক সংকট ৰোধ কৰাৰ প্ৰয়াস বুলি অভিহিত কৰাৰ লগতে এনে অধিবেশনে জনস্বাৰ্থ ৰক্ষা কৰাত ব্যৰ্থ হয় বুলি দাবী কৰে ।
লগতে পঢ়ক: Loksabha Election 2024 : নীতিশ কুমাৰেই হ’ব নেকি বিৰোধী মিত্ৰজোঁটৰ প্ৰধানমন্ত্ৰী প্ৰাৰ্থী !
