নিউজ ডেস্ক, 30 জুন : মহাৰাষ্ট্ৰৰ মুখ্যমন্ত্ৰীৰ পদৰ পৰা উদ্ধৱ ঠাকৰেয়ে বুধবাৰে পদত্যাগ কৰাৰ পাছত ৰাজ্যখনৰ ৰাজনৈতিক সংকট এতিয়া এক নিৰ্ণায়ক ৰূপলৈ আহিছে(Maharashtra political crisis) । ঠাকৰেৰ পদত্যাগৰ পাছত এতিয়া মহাৰাষ্ট্ৰৰ বিধানসভাত কোনো বিশেষ অধিবেশনৰ আহ্বান জনোৱা নহ’ব, নহ’ব কোনো আস্থা ভোট ।
উদ্ধৱ চৰকাৰক বৃহস্পতিবাৰে সংখ্যাগৰিষ্ঠতা প্ৰমাণ কৰিবলৈ উচ্চতম ন্যায়ালয়ত দাখিল কৰা গোচৰৰ শুনানি গ্ৰহণ কৰি ন্যায়ালয়ে মহাৰাষ্ট্ৰ বিধানসভাত আস্থা ভোটৰ নিৰ্দেশ দিছিল । কিন্তু ইয়াৰ পাছতে মহাৰাষ্ট্ৰৰ মুখ্যমন্ত্ৰীৰ পদৰ পৰা উদ্ধৱ ঠাকৰেয়ে পদত্যাগ কৰাত আস্থা ভোটৰ সকলো জল্পনা-কল্পনাৰ অন্ত পৰে(Maharashtra floor test) ।
মহাৰাষ্ট্ৰৰ বিধানসভাৰ সচিব ৰাজেন্দ্ৰ ভাগৱতে ৰাজ্যৰ সকলো বিধায়কক জনায় যে ৰাজ্যপালৰ নিৰ্দেশ অনুসৰি, এতিয়া আস্থা ভোটৰ কোনো প্ৰয়োজন নাই ৷ সেয়েহে আজিৰ অৰ্থাৎ বৃহস্পতিবাৰৰ বিশেষ অধিৱেশনখন আহ্বান কৰা নহয় ৷
মুখ্যমন্ত্ৰী উদ্ধৱ ঠাকৰেৰ পদত্যাগৰ পিছত বিজেপি নেতা তথা মহাৰাষ্ট্ৰৰ প্ৰাক্তন মুখ্যমন্ত্ৰী দেৱেন্দ্ৰ ফাড়নাভিছে আজি ৰাজ্যপালক সাক্ষাৎ কৰি চৰকাৰ গঠনৰ দাবী কৰাৰ কথা এক বিশেষ সূত্ৰৰ পৰা জানিব পৰা হৈছে । সূত্ৰটোৱে দাবী কৰা অনুসৰি দেৱেন্দ্ৰ ফাড়নাভিছে ১ জুলাইত মুখ্যমন্ত্ৰী হিচাপে আৰু একনাথ সিন্দেয়ে উপ মুখ্যমন্ত্ৰী হিচাপে শপত ল’ব ।
লগতে পঢ়ক : The climax of MAHA political crisis: মুখ্যমন্ত্ৰী উদ্ধৱ ঠাকৰেৰ পদত্যাগ
