নেশ্যনেল ডেস্ক, ১০ এপ্ৰিল: শনিবাৰে আবেলি দক্ষিণ কাশ্মীৰত নিৰাপত্তা বাহিনীয়ে তালাচী অভিযান চলায় । দক্ষিণ কাশ্মীৰৰ কুলগাম জিলাৰ হাটিপোৰাত নিৰাপত্তা বাহিনী আৰু সন্ত্ৰাসবাদীৰ মাজত সংঘৰ্ষ হয় । এক সূত্ৰই প্ৰকাশ কৰা মতে, অঞ্চলটোত সন্ত্ৰাসবাদীয়ে আত্মগোপন কৰি থকাৰ তথ্য লাভ কৰাৰ পিছতে নিৰাপত্তা বাহিনীয়ে তালাচী অভিযান চলায় । সেই সময়তে নিৰাপত্তা বাহিনীলৈ লক্ষ্য কৰি সন্ত্ৰাসবাদীয়ে গুলীচালনা কৰে ।
প্ৰত্যুত্তৰত নিৰাপত্তা বাহিনীয়েও গুলীবৰ্ষন কৰে । অঞ্চলটোত দুটা সন্ত্ৰাসবাদী লুকাই আছিল বুলি অনুমান কৰা হৈছে । আনহাতে, বাজভাৰাৰ চিমথান অঞ্চলতো নিৰাপত্তা বাহিনী আৰু সন্ত্ৰাসবাদীৰ মাজত গুলীয়াগুলি সংঘটিত হয় ।
