Brijbhushan Singh Case: যৌন নিৰ্যাতনৰ গোচৰত অভিযুক্ত ব্ৰীজ ভূষণ শৰণ সিঙৰ জামিন মঞ্জুৰ

বিজেপি সাংসদ ব্ৰীজ ভূষণ শৰণ সিঙৰ নিয়মীয়া জামিন আবেদনৰ শুনানি ৰাউজ এভিনিউ আদালতে আবেলি ৪ বজাত গ্ৰহণ কৰে আৰু তেওঁক ২৫,০০০ টকাৰ বণ্ডত নিয়মীয়া জামিন প্ৰদান কৰে । দিল্লী আৰক্ষীয়ে কয় যে আৰক্ষীয়ে জামিনৰ বিৰোধিতা বা সমৰ্থন নকৰে । আদালতে আইন অনুসৰি গোচৰটোৰ সিদ্ধান্ত লওক ।

নেশ্যনেল ডেস্ক, 20 জুলাই: ভাৰতীয় কুস্তি ফেডাৰেচনৰ (WFI) প্ৰাক্তন সভাপতি তথা বিজেপি সাংসদ ব্ৰীজ ভূষণ শৰণ সিং আৰু কুস্তি সন্থাৰ প্ৰাক্তন সম্পাদক বিনোদ তোমৰক বৃহস্পতিবাৰে জামিন প্ৰদান কৰা হয় ৷ ৰাউজ এভিনিউ আদালতৰ অতিৰিক্ত মুখ্য মেট্ৰ'পলিটান মেজিষ্ট্ৰেট হৰজিৎ সিং জছপালে নিয়মীয়া জামিন আবেদনৰ ওপৰত ৰায় ঘোষণা কৰে ৷

• Rouse Avenue Court of Delhi grants regular bail to outgoing Wrestling Federation of India's President Brij Bhushan Sharan Singh and the Federation's assistant secretary Vinod Tomar Singh in the sexual harassment case registered on the basis of complaints of several wrestlers.

  — ANI (@ANI) July 20, 2023 " class="align-text-top noRightClick twitterSection" data="

  Rouse Avenue Court of Delhi grants regular bail to outgoing Wrestling Federation of India's President Brij Bhushan Sharan Singh and the Federation's assistant secretary Vinod Tomar Singh in the sexual harassment case registered on the basis of complaints of several wrestlers.

  — ANI (@ANI) July 20, 2023

  ">

  Rouse Avenue Court of Delhi grants regular bail to outgoing Wrestling Federation of India's President Brij Bhushan Sharan Singh and the Federation's assistant secretary Vinod Tomar Singh in the sexual harassment case registered on the basis of complaints of several wrestlers.

  — ANI (@ANI) July 20, 2023

ব্ৰীজ ভূষণৰ জামিন আবেদনৰ শুনানিৰ সময়ত আদালতে দিল্লী আৰক্ষীক জামিনৰ বিৰোধিতা কৰে নেকি বুলি প্ৰশ্ন কৰে ? এই সন্দৰ্ভত দিল্লী আৰক্ষীৰ অধিবক্তাই কয় যে আমি বিৰোধিতা বা সমৰ্থন কৰা নাই ৷ আদালতে আইন অনুসৰি সিদ্ধান্ত লোৱা উচিত ৷

উল্লেখ্য যে 18 জুলাইত আদালতে ব্ৰীজ ভূষণক দুদিনীয়া অন্তৱৰ্তীকালীন জামিন প্ৰদান কৰিছিল ৷ 7 জুলাইত আদালতে ব্ৰীজ ভূষণ আৰু বিনোদ তোমৰক চমন জাৰি কৰিছিল আৰু দিল্লী আৰক্ষীয়ে দাখিল কৰা অভিযোগপত্ৰৰ ভিত্তিত তেওঁলোকক আদালতত মাতি পঠিয়াইছিল ৷ 15 জুনত দিল্লী আৰক্ষীয়ে ব্ৰীজ ভূষণৰ বিৰুদ্ধে ছয়গৰাকী মহিলা মল্লযোদ্ধাৰ দ্বাৰা দাখিল কৰা যৌন নিৰ্যাতনৰ গোচৰত অভিযোগপত্ৰ দাখিল কৰিছিল ৷

22 জুনত মুখ্য মেট্ৰ'পলিটান মেজিষ্ট্ৰেট (CMM) মহিমা ৰায় সিঙে অভিযোগপত্ৰখন বিবেচনা কৰিবলৈ গোচৰটো এমপি-এমএলএ আদালতলৈ স্থানান্তৰ কৰে । তেওঁ বিষয়টো এচিএমএম হৰজিৎ সিং জছপাললৈ প্ৰেৰণ কৰিছিল ।

এতিয়া ৰাউজ এভিনিউ আদালতত অৱস্থিত এচিএমএম হৰজিৎ সিং জছপালৰ আদালতে ব্ৰীজ ভূষণ শৰণ সিঙৰ বিৰুদ্ধে দাখিল কৰা অভিযোগপত্ৰৰ ওপৰত গুৰুত্ব আৰোপ কৰিব । উল্লেখ্য যে আদালতৰ অৱকাশকালীন বিচাৰপীঠৰ সন্মুখত দাখিল কৰা 550 পৃষ্ঠাৰ প্ৰতিবেদনখন আৰক্ষীয়ে অভিযোগকাৰী ভুক্তভোগীৰ পিতৃ আৰু ভুক্তভোগীয়ে নিজে ইতিপূৰ্বে দিয়া বিবৃতিৰ আধাৰত প্ৰস্তুত কৰিছিল ।

লগতে পঢ়ক: Wrestlers sexual harassment case : ব্ৰীজ ভূষণ শৰণ সিঙক দুদিনৰ বাবে অন্তৱৰ্তীকালীন জামিন প্ৰদান