নেশ্যনেল ডেস্ক,1 ডিচেম্বৰঃ দক্ষিণ তামিলনাডু আৰু দক্ষিণ কেৰালাত ঘূৰ্ণীবতাহ সংক্ৰান্তীয় সতৰ্কতা জাৰি কৰিছে ভাৰতীয় বতৰ বিজ্ঞান বিভাগে ৷ এই দুয়োটা অঞ্চলতে আহিবলগীয়া কেইটামান ঘন্টাত প্ৰৱল ঘূৰ্ণীবতাহ আৰু ধুমুহাৰ সম্ভাৱনাৰ প্ৰতি লক্ষ্য কৰিয়েই জাৰি কৰা হৈছে এই সতৰ্কতা ৷
ভাৰতীয় বতৰ বিজ্ঞান কেন্দ্ৰই কয়, ‘দক্ষিণ তামিলনাডু আৰু কেৰালাৰ দক্ষিণ উপকূলত ঘূৰ্ণীবতাহৰ পূৰ্বে অৱলম্বন কৰিবলগীয়া সতৰ্কতা জাৰি কৰা হৈছে ৷ এই ঘূৰ্ণীবতাহে বিগত 6 ঘন্টাত 7 কিলোমিটাৰ/ঘন্টাত বংগোপসাগৰৰ উত্তৰ দক্ষিণ দিশৰ পৰা দক্ষিণ দিশে গতি কৰে আৰু 30 নৱেম্বৰৰ নিশা 11.30ত বংগোপসাগৰৰ দক্ষিণ-পূৱ আৰু উত্তৰ-দক্ষিণ (অক্ষাংশ 7.8 ডিগ্ৰী আৰু দ্ৰাঘিমাংশ 86.6 ডিগ্ৰী) অঞ্চলৰ ওপৰেৰে শ্ৰী লংকাৰ ত্ৰীণকোমালীৰ 590 কিলোমিটাৰ পূৱ আৰু ভাৰতৰ পূৱ কন্যাকুমাৰীৰ 1000 কিলোমিটাৰ অঞ্চল স্পৰ্শ কৰিব ৷’
ইয়াৰ ফলতে পৰৱৰ্তী সময়ত ইয়াৰ দাঁতিকাষৰীয়া অঞ্চলসমূহত আগন্তুক 12 ঘন্টাত তীব্ৰ ঘূৰ্ণীবতা আৰু ধুমুহাৰ সম্ভাৱনা দেখা গৈছে ৷
লগতে পঢ়ক-জম্মু আৰু কাশ্মীৰত ডিডিচি নিৰ্বাচনৰ দ্বিতীয় পৰ্যায়ৰ ভোটগ্ৰহণ আৰম্ভ
