নেশ্যনেল ডেস্ক,27 মাৰ্চ: চলিত বৰ্ষৰ ছেপ্তেম্বৰ মাহলৈ ভাৰতীয় বজাৰত ক'ভিড-19 ৰ প্ৰতিষেধক ক'ভ'ভেক্স উপলব্ধ হোৱাৰ সম্ভাৱনা আছে ৷ চিৰাম ইনষ্টিটিউট অৱ ইণ্ডিয়াৰ চি ই অ' আদৰ পুনাৱালাই শনিবাৰে এই কথা সদৰী কৰে ৷ পুনাৱালাই জানিবলৈ দিয়া মতে, ক'ভিড-19 ৰ প্ৰতিষেধক ক'ভ'ভেক্সৰ ক্লিনিকেল ট্ৰায়েল বৰ্তমান অব্যাহত আছে আৰু ছেপ্তেম্বৰৰ ভিতৰত এই প্ৰতিষেধক বজাৰত উপলব্ধ হোৱাৰ সম্ভাৱনা আছে ৷
2020 চনৰ আগষ্টত আমেৰিকাৰ প্ৰতিষেধক নিৰ্মাণকাৰী প্ৰতিষ্ঠান ন'ভাভক্সে নিম্ন আৰু মধ্য উপাৰ্জনকাৰী দেশ তথা ভাৰতৰ বাবে চিৰাম ইনষ্টিটিউট অৱ ইণ্ডিয়াৰ সৈতে ক'ভিড-19 প্ৰতিষেধক NVX-CoV2373 ৰ বাণিজ্যিকীকৰণৰ বাবে এক চুক্তি কৰিছিল ৷
ক'ভ'ভেক্সৰ ট্ৰায়েল ভাৰতত আৰম্ভ হোৱাৰ কথা জানিবলৈ দি পুনাৱালাই টুইটযোগে এইবুলি কয়, "Covovax trials finally begin in India; the vaccine is made through a partnership with @Novavaxand@SerumInstIndia.It has been tested against African and UK variants of #COVID19 and has overall efficacy of 89%. Hope to launch by September 2021!" ৷
লগতে পঢ়ক: পশ্চিমবংগত উত্তেজনা: মুখ্য নিৰ্বাচনী বিষয়াক সাক্ষাৎ টিএমচিৰ প্ৰতিনিধিৰ
