নেশ্যনেল ডেস্ক, 15 এপ্ৰিল : দেশ কঁপাই যোৱা শ্ৰদ্ধা ৱাকাৰ হত্যাকাণ্ডৰ ঘটনাৰ কথা মনত আছেনে (Shraddha murder case) ? শনিবাৰে শ্ৰদ্ধা ৱাকাৰ হত্যাকাণ্ডৰ অভিযুক্ত আফতাব আমিন পুনাৱালাৰ বিৰুদ্ধে অভিযোগৰ সন্দৰ্ভত ছাকেত আদালতত যুক্তি যুক্ততা সমাপ্ত কৰা হয় (Shraddha walkar murder case saket court)।
ইয়াৰ পিচতে আদালতে অভিযুক্ত আফতাবৰ বিৰুদ্ধে শাস্তি প্ৰদানৰ ৰায় বাহাল ৰাখিছে। আদালতে অহা 29 এপ্ৰিলত অভিযুক্ত আফতাব আমিন পুনাৱালাৰ বিৰুদ্ধে শাস্তি নিৰ্ধাৰণ কৰিব (Court will frame charges against Aftab)৷ বিগত বৰ্ষৰ মে’ মাহত আফতাব আমি পুনাৱালাই লিভ-ইন প্ৰেমিকা শ্ৰদ্ধা ৱাকাৰক হত্যা কৰিছিল। তাৰ পিচতে শ্ৰদ্ধাৰ শৰীৰটো 35 টুকুৰা কৰি কাটি মেহৰৌলীৰ অৰণ্যত পেলাই দিছিল (Court will frame charges against Aftab on April 29)।
ঘটনাটো পোহৰলৈ অহাৰ লগে লগে সমগ্ৰ দেশতে এই হত্যাকাণ্ডক লৈ প্ৰশ্ন উত্থাপিত হৈছিল । আৰক্ষীৰ তদন্তৰ পিচত, আৰক্ষীয়ে 24 জানুৱাৰীত গোচৰটোৰ সন্দৰ্ভত 6,629 পৃষ্ঠাৰ অভিযোগ পত্ৰ দাখিল কৰিছিল । অভিযোগ পত্ৰখনত হত্যাৰ তত্ব, বৈজ্ঞানিক প্ৰমাণ আৰু গোচৰটোৰ সৈতে সম্পৰ্কিত 150 জন সাক্ষীৰ বিবৃতিও আছে । ইয়াৰ পূৰ্বে, শেহতীয়াকৈ আদালতত অধিবক্তাসকলে ধৰ্মঘট কৰাৰ বাবে এই গোচৰটোৰ শুনানি দুবাৰ পিছুৱাই দিয়া হৈছিল। অভিযুক্তটোক গ্ৰেপ্তাৰ কৰাৰ পিচৰে পৰা তদন্তৰ বাবে কেইটামান দল দেশৰ বিভিন্ন প্ৰান্ত গুৰুগ্ৰাম, হিমাচল প্ৰদেশ আৰু মহাৰাষ্ট্ৰলৈ প্ৰেৰণ কৰা হৈছিল ।
