নেশ্যনেল ডেস্ক, ১ জুলাই : পেট্ৰ'ল-ডিজেলৰ আকাশলংঘী মূল্যবৃদ্ধিৰ পাচত এইবাৰ বৃদ্ধি পাইছে ৰন্ধন গেছৰো মূল্য । অৱশ্যে এয়া এদিনীয়া কথা নহয় । যোৱা কেইমাহমান ধৰি ৰন্ধন গেছৰ মূল্য বাঢ়ি আছে । এফালে ক'ভিড-১৯ৰ সংক্ৰমণ ৰোধৰ বাবে জাৰি কৰা সান্ধ্য আইনৰ ফলত উপাৰ্জনৰ পথ বন্ধ হৈ পৰিছে, আনফালে পেট্ৰ'ল-ডিজেল বৰ্ধিত মূল্যৰ বাবে বাহনবোৰ চলোৱাৰ আগত চিন্তা কৰিবলগীয়া হৈছে ।
কেৱল এয়াই নহয়, এইবাৰ ৰন্ধন গেছৰ চিলিণ্ডাৰৰো মূল্য বৃদ্ধি পালে । এনে পৰিস্থিতিত বিৰোধী দল, বিভিন্ন সংগঠনে বিজেপি চৰকাৰকে দোষাৰোপ কৰিছে । কেন্দ্ৰীয় চৰকাৰে মূল্যবৃদ্ধি নিয়ন্ত্ৰণ ব্যৰ্থ হোৱাৰ অভিযোগ তুলিছে কংগ্ৰেছে । বৃহস্পতিবাৰে প্ৰাক্তন বিত্ত মন্ত্ৰী তথা কংগ্ৰেছৰ জ্যেষ্ঠ নেতা পি চিদাম্বৰমে মূল্যবৃদ্ধিৰ বিৰোধিতা কৰাৰ লগতে প্ৰধানমন্ত্ৰী নৰেন্দ্ৰ মোডীক তীব্ৰ সমালোচনা কৰে ।
তেওঁ কটাক্ষ কৰি কয় যে, মোডী থাকিলে সকলো সম্ভৱ । অৰ্থাৎ মোডী প্ৰধানমন্ত্ৰী হৈ থাকিলে এনেদৰে ধাৰাবাহিকভাৱে পেট্ৰ'ল-ডিজেল আৰু ৰন্ধন গেছৰ মূল্য বৃদ্ধি হোৱাতো একো আচৰিত হ'বলগীয়া কথা নহয় । উল্লেখ্য যে, দেশৰ বিভিন্ন প্ৰান্তত বৰ্তমান পেট্ৰ'লৰ মূল্য ১০০ টকাৰো বেছি হৈছে ।
-
Mr Modi’s government and LPG prices in 2020 to 2021:
— P. Chidambaram (@PChidambaram_IN) July 1, 2021 " class="align-text-top noRightClick twitterSection" data="
🔸Nov 30, 2020: ₹594
🔸Dec 1, 2020: ₹644
🔸Jan 1, 2021: ₹694
🔸Feb 4, 2021: ₹719
🔸Feb 15, 2021: ₹769
🔸Mar 1, 2021: ₹819
🔸July 1, 2021: ₹834
Modi hai, mumkin hai!
">Mr Modi’s government and LPG prices in 2020 to 2021:
— P. Chidambaram (@PChidambaram_IN) July 1, 2021
🔸Nov 30, 2020: ₹594
🔸Dec 1, 2020: ₹644
🔸Jan 1, 2021: ₹694
🔸Feb 4, 2021: ₹719
🔸Feb 15, 2021: ₹769
🔸Mar 1, 2021: ₹819
🔸July 1, 2021: ₹834
Modi hai, mumkin hai!Mr Modi’s government and LPG prices in 2020 to 2021:
— P. Chidambaram (@PChidambaram_IN) July 1, 2021
🔸Nov 30, 2020: ₹594
🔸Dec 1, 2020: ₹644
🔸Jan 1, 2021: ₹694
🔸Feb 4, 2021: ₹719
🔸Feb 15, 2021: ₹769
🔸Mar 1, 2021: ₹819
🔸July 1, 2021: ₹834
Modi hai, mumkin hai!
কংগ্ৰেছৰ জ্যেষ্ঠ নেতা পি চিদাম্বৰমৰ কয় যে, নৰেন্দ্ৰ মোডী নেতৃত্বাধীন চৰকাৰে শাসন কৰি থকা সময়তে ২০২০ চনৰ নৱেম্বৰ মাহত ৰন্ধন গেছৰ মূল্য ৫৯৪ টকা আছিল চলিত বৰ্ষৰ ১ জুলাইত ৰন্ধন গেছৰ মূল্য হৈছেগৈ ৮৩৪ টকা । তেল কোম্পানীবোৰে ঘৰুৱা এল পি জি চিলিণ্ডাৰৰ মূল্য ২৫ টকা বৃদ্ধি কৰিছে । তেওঁ দাঙি ধৰা তথ্য মতে, দিল্লীত এতিয়া প্ৰতিটো ঘৰুৱা ব্যৱহাৰ্য চিলিণ্ডাৰৰ মূল্য ৮৩৪.৫০ টকা । ৰন্ধন গেছৰ ক্ষেত্ৰত ১ জুলাইৰ পৰা সংশোধিত মূল্য প্ৰযোজ্য হৈছে ।
আনহাতে, বৃহস্পতিবাৰে দিল্লীত প্ৰতি লিটাৰ পেট্ৰ'লৰ মূল্য ৯৮.৮১ টকা আৰু প্ৰতি লিটাৰ ডিজেলৰ মূল্য ৮৯.১৮ টকা । ১ মে'ত প্ৰতি লিটাৰ পেট্ৰ'লৰ মূল্য আছিল ৯০.৪০ টকা । যোৱা ৬০ দিনত প্ৰতি লিটাৰত ৮.৪১ টকা বৃদ্ধি হৈছে । একেদৰে, দিল্লীত ডিজেলৰ মূল্যও যোৱা দুমাহত প্ৰতি লিটাৰত ৮.৪৫ টকা বৃদ্ধি হৈছে ।
লগতে পঢ়ক:ইন্দ্ৰজাল: শত্ৰুৰ ড্ৰোণ প্ৰতিৰোধ কৰিবলৈ সাজু ভাৰতীয় বায়ুসেনা
