নেশ্যনেল ডেস্ক,১৪ জুলাই : ভাৰতৰ ঐতিহাসিক চন্দ্ৰ অভিযান আৰম্ভ হ'বলৈ আৰু মাত্ৰ কেইটামান ক্ষণ বাকী আছে । শুকুৰবাৰে অৰ্থাৎ আজি চন্দ্ৰযান-৩ আবেলি ২.৩৫ বজাত মহাকাশলৈ উৰা মাৰিব । অন্ধ্ৰপ্ৰদেশৰ চুলুৰুপেটাৰ ইছৰোৰ শ্ৰীহৰিকোটা মহাকাশ কেন্দ্ৰৰ পৰা চন্দ্ৰযান-৩য়ে উৰা মাৰিব । চন্দ্ৰত সুৰক্ষিত অৱতৰণ হৈছে চন্দ্ৰযান-৩ৰ প্ৰধান লক্ষ্য ।
চন্দ্ৰযান-৩ অভিযানৰ তিনিটা উদ্দেশ্য হৈছে চন্দ্ৰপৃষ্ঠত সুৰক্ষিত আৰু ছফ্ট লেণ্ডিঙৰ বাবে ভাৰতৰ সামৰ্থ্য প্ৰদৰ্শন কৰা, চন্দ্ৰত ৰোভাৰ চলাচল কৰা আৰু ইন-চিটু বৈজ্ঞানিক পৰীক্ষা-নিৰীক্ষা কৰা ।
ইছৰোৰ বিজ্ঞানীসকলৰ মতে, চন্দ্ৰযান-৩ত ভৱিষ্যতৰ আন্তঃগ্ৰহ অভিযানৰ বাবে নতুন ক্ষমতা বিকাশৰ লক্ষ্যৰে এটা থলুৱা লেণ্ডাৰ মডিউল (এলএম), এটা প্ৰপালচন মডিউল (পিএম) আৰু এটা ৰোভাৰ অন্তৰ্ভুক্ত আছে । চন্দ্ৰত লেণ্ডাৰক এক নিৰ্দিষ্ট কোমল ভূমি বিচাৰি উলিয়াবলৈ আৰু ৰোভাৰ স্থাপন কৰিবলৈ সক্ষম কৰা হয় । লগতে ই চলাচল কৰাৰ সময়ত চন্দ্ৰপৃষ্ঠৰ ইন-চিটু ৰাসায়নিক বিশ্লেষণ কৰিব ।
বৰ্তমানৰ চন্দ্ৰ অভিযানত লেণ্ডাৰ আৰু ৰোভাৰ কনফিগাৰেচন আছে আৰু ইয়াক সতীশ ধাৱান মহাকাশ কেন্দ্ৰৰ পৰা লঞ্চ ভেহিকেল মাৰ্ক ৩ (এলভিএম৩)ৰ দ্বাৰা উৎক্ষেপণ কৰা হ'ব, যাক এছএআৰ (শ্ৰীহৰিকোটা ৰেঞ্জ) বুলিও জনা যায় । আজিৰ অভিযানৰ প্ৰপালচন মডিউলে লেণ্ডাৰ আৰু ৰোভাৰ কনফিগাৰেচন ১০০ কিলোমিটাৰ চন্দ্ৰ কক্ষপথলৈকে লৈ যাব ।
এই চন্দ্ৰযানে পেলোড কঢ়িয়াই লৈ যাব । যাৰ উদ্দেশ্য হৈছে চন্দ্ৰৰ কক্ষপথৰ পৰা পৃথিৱীৰ বৰ্ণালী আৰু পোলাৰী মেট্ৰিক জোখ অধ্যয়ন কৰা । লগতে, আন এটা পেলোডে চাৰ্ফেচ থাৰ্মোফিজিকেল এক্সপেৰিমেণ্ট (চাচটিই) তাপ পৰিবাহিতা আৰু উষ্ণতা জোখাত সহায় কৰিব । মিছন ৰোভাৰৰ পেলোড আলফা কণা এক্স-ৰে স্পেক্ট্ৰোমিটাৰ (এপিএক্সএছ) আৰু লেজাৰ ইনহেৰেড ব্ৰেকডাউন স্পেক্ট্ৰোস্কোপ (এলআইবিএছ) অৱতৰণ স্থানৰ ওচৰত মৌলিক গঠন আহৰণ কৰিব । চন্দ্ৰযান-৩ অভিযানত চন্দ্ৰপৃষ্ঠত পৰীক্ষা-নিৰীক্ষা কৰাৰ বাবে বৈজ্ঞানিক পেলোড আছে ।
লগতে পঢ়ক :Chandrayaan-3 Countdown starts : ভাৰতৰ তৃতীয় চন্দ্ৰ অভিযানৰ কাউণ্টডাউন আৰম্ভ
