নেশ্যনেল ডেস্ক, ১২ ডিচেম্বৰ : বিজেপিৰ ৰাষ্ট্ৰীয় অধ্যক্ষ জগত প্ৰসাদ নাড্ডাৰ সুৰক্ষাত হেমাহি হোৱাৰ অভিযোগত ৩ গৰাকী আই পি এছ বিষয়ালৈ চমন জাৰি কৰিছে কেন্দ্ৰই । তৃণমূল কংগ্ৰেছৰ সাংসদ কল্যাণ বেনাৰ্জীয়ে মুখ্য সচিব আৰু মহানিৰ্দেশকৰ চমন সন্দৰ্ভত গৃহ মন্ত্ৰীলৈ এখন পত্ৰ প্ৰেৰণ কৰিছে । এই পত্ৰত সাংসদগৰাকীয়ে প্ৰশ্ন উত্থাপন কৰি কয় যে, ভাৰতীয় সংবিধানৰ মতে আইন ব্যৱস্থা ৰাজ্যৰ বাবেও আছে । তেওঁ অভিযোগ তোলে যে, বিজেপিৰ ৰাষ্ট্ৰীয় অধ্যক্ষগৰাকীৰ সুৰক্ষা ব্যৱস্থাত গাফিলতি হৈছে ।
শনিবাৰে কেন্দ্ৰই ইন্সপেক্টৰ জেনেৰেল ৰাজীৱ মিশ্ৰ, ডাইমণ্ড হাৰ্বাৰৰ আৰক্ষী অধীক্ষক ভোলানাথ পাণ্ডে আৰু ডি আই জি প্ৰবীন কুমাৰ ত্ৰিপাঠীলৈ চমন জাৰি কৰে । তিনিওগৰাকী ঘটনা সংঘটিত হোৱা দিনটোত নাড্ডাৰ সুৰক্ষাৰ দায়িত্বত আছিল । সাংসদ বেনাৰ্জীয়ে অভিযোগ উত্থাপন কৰিছিল যে, এই ঘটনা এক ৰাজনৈতিক ষড়যন্ত্ৰ । আই পি এছ বিষয়ালৈ চমন জাৰি কৰাৰ প্ৰতিবাদ কৰি প্ৰেৰণ কৰা পত্ৰত সাংসদগৰাকীয়ে কয় যে, কেন্দ্ৰই কেৱল বিষয়াকেইগৰাকীৰ ওপৰত হেঁচা প্ৰয়োগ কৰিছে ।
লগতে পঢ়ক:কৃষকৰ সুৰক্ষাৰ বাবে কৃষি আইন সংশোধন কৰা হৈছে : নৰেন্দ্ৰ সিং টোমৰ
