নেশ্যনেল ডেস্ক,৬ এপ্ৰিল : ভাৰতীয় জনতা পাৰ্টিয়ে প্ৰতিষ্ঠা দিৱস (Foundation Day of Bharatiya Janata Party) উপলক্ষ্যে দেশজুৰি বিভিন্ন ধৰণৰ কাৰ্যসূচী ৰূপায়ণ কৰিছে । অহা ৭ এপ্ৰিলৰ পৰা ২০ এপ্ৰিললৈ দেশৰ ভিন্ন প্ৰান্তত বিজেপি দলে বহুতো কাৰ্যসূচী ৰূপায়ণ কৰিব । বুধবাৰে প্ৰতিষ্ঠা দিৱসৰ লগত সংগতি ৰাখি প্ৰধানমন্ত্ৰী নৰেন্দ্ৰ মোডীয়ে দলীয় নেতা-কৰ্মীসকলক সম্বোধন কৰিব (PM Modi to address party leaders and workers)।
বিজেপিৰ মুখ্য কাৰ্যালয়ত সংবাদমেল সম্বোধন কৰি সাধাৰণ সম্পাদক অৰুণ সিঙে এই কথা প্ৰকাশ কৰে । উক্ত দিন কেইটাত আয়োজিত বিভিন্ন কাৰ্যসূচীৰ জৰিয়তে দলীয় কৰ্মীসকলে মোডী চৰকাৰৰ জনকল্যাণমূলক আঁচনিৰ বিষয়ে ৰাইজৰ মাজক সজাগতা সৃষ্টি কৰিব । ইফালে ১৪ এপ্ৰিলত বি আৰ আম্বেদকাৰৰ জন্ম জয়ন্তী (Birth anniversary of B R Ambedkar) উপলক্ষ্যে বিভিন্ন কাৰ্যসূচীও আয়োজন কৰিব দলটোৱে ।
বিজেপিৰ সভাপতি জে পি নাড্ডাই দলৰ মুখ্য কাৰ্যালয়ত পতাকা উত্তোলন কৰিব আৰু ড৹ শ্যামা প্ৰসাদ মুখাৰ্জী আৰু পণ্ডিত দীনদয়াল উপাধ্যায়ৰ প্ৰতিমূৰ্তিত মাল্যাৰ্পন কৰিব । দলটোৱে মুখ্য কাৰ্যালয়ত এক ৰক্তদান শিবিৰৰো আয়োজন কৰিব । প্ৰধানমন্ত্ৰী মোডীয়ে ভিডিঅ' কনফাৰেন্সৰ জৰিয়তে পুৱা ১০ বজাত সমগ্ৰ দেশৰ দলীয় কৰ্মীসকলক সম্বোধন কৰিব ।
ইফালে, কৰোলবাগত পুৱা ১১ বজাত এক শোভাযাত্ৰাত অংশগ্ৰহণ কৰিব জে পি নাড্ডাই । দলটোৱে উক্ত দিন কেইটা "সামাজিক ন্যায় পষেক" হিচাপে পালন কৰিব (Social Justice Fortnight)। বুধবাৰে বিজেপি ৰ মুৰব্বী নাড্ডাই ১৩ টা মিছনৰ মুৰব্বীৰ সৈতে বাৰ্তালাপ কৰিব । বাৰ্তালাপৰ উদ্দেশ্য হৈছে দলটোৰ বিষয়ে জনা আৰু বিদেশী দূতসকলক বিজেপিৰ বিষয়ে অৱগত কৰা ।
-
भारतीय जनता पार्टी के स्थापना दिवस पर पार्टी के लिए अपना सर्वस्व अर्पण करने वाले सभी महापुरुषों को श्रद्धापूर्वक नमन और करोड़ों कार्यकर्ताओं को हार्दिक शुभकामनाएं। #SthapnaDiwas pic.twitter.com/I6LYiYUf3I
— BJP (@BJP4India) April 6, 2022 " class="align-text-top noRightClick twitterSection" data="
">भारतीय जनता पार्टी के स्थापना दिवस पर पार्टी के लिए अपना सर्वस्व अर्पण करने वाले सभी महापुरुषों को श्रद्धापूर्वक नमन और करोड़ों कार्यकर्ताओं को हार्दिक शुभकामनाएं। #SthapnaDiwas pic.twitter.com/I6LYiYUf3I
— BJP (@BJP4India) April 6, 2022भारतीय जनता पार्टी के स्थापना दिवस पर पार्टी के लिए अपना सर्वस्व अर्पण करने वाले सभी महापुरुषों को श्रद्धापूर्वक नमन और करोड़ों कार्यकर्ताओं को हार्दिक शुभकामनाएं। #SthapnaDiwas pic.twitter.com/I6LYiYUf3I
— BJP (@BJP4India) April 6, 2022
বিজেপিৰ বৈদেশিক পৰিক্ৰমা বিভাগৰ মুৰব্বী বিজয় চৌথাইৱালে কোৱা মতে বৈদেশিক নীতিৰ কোনো উপাদান এই বাৰ্তালাপৰ অংশ নহ'ব । বুধবাৰে আবেলি ৪ বজাত অনুষ্ঠিত হ'বলগীয়া অনুষ্ঠানটোত ফ্ৰান্স, ইউৰোপীয় ইউনিয়নৰ প্ৰতিনিধি দল, পৰ্তুগাল, চুইজাৰলেণ্ড, পোলেণ্ড, ৰোমানিয়া, স্লোভাকিয়া, ইটালী, হাংগেৰী, ভিয়েটনাম, নৰৱে, বাংলাদেশ আৰু ছিংগাপুৰৰ উচ্চায়ুক্তসকল উপস্থিত থাকিব ।
লগতে পঢ়ক :বিশ্ব স্বাস্থ্য দিৱসত 'যােগ অমৃত মহােৎসৱ' উদযাপন কৰিব আয়ুষ মন্ত্রালয়ে
