নিউজ ডেস্ক, ৬ জুলাই : বিমান সংস্থা বিস্তাৰাই সোমবাৰে জনাই যে, যি সমূহ যাত্ৰীয়ে বিমান যাত্ৰা কৰিব বিচাৰে এতিয়াৰ পৰা তেওঁলোকে দুখন আসন বুকিং কৰিব পাৰিব যাতে যাত্ৰী সকলে কাষৰ আসনখন খালী ৰাখিব পাৰে ।
বিস্তাৰাৰ মুখ্য বাণিজ্যিক বিষয়া বিনোদ কন্ননে জনাই যে, আমাৰ সৈতে যিসমূহ যাত্ৰীয়ে যাত্ৰা কৰিব বিচাৰে তেওঁলোকে দুখন আসন দখল কৰিব পাৰে । লগতে জনাই যে, অতিৰিক্ত আসনখন দখল কৰাৰ ক্ষেত্ৰত কোনো ধৰণৰ মাচুল প্ৰদান কৰিব নালাগে । ইতিমধ্যে, ট্ৰেভেল এজেঞ্চি সমূহক ইয়াৰ বিষয়ে অৱগত কৰা হৈছে আৰু অনতিপলমে ইয়াৰ বিষয়ে ৱেব চাইটত উপলব্ধ কৰা হ'ব ।
উল্লেখনীয়ভাবে ১৫ জুনত মুম্বাই উচ্চ ন্যায়ালয়ে বিমান সংস্থা সমূহক কেৱল মাজৰ আসনটিত যাত্ৰী বহুৱাবলৈ নিৰ্দেশ প্ৰদান কৰিছিল আৰু যাত্ৰাৰ সময়ত সকলো ধৰণৰ নীতি-নিৰ্দেশনাৰ মানি চলিবলৈ নিৰ্দেশ প্ৰদান কৰিছিল ।
আনহাতে, কোভিড-১৯ ৰ সময়ত যাত্ৰা কৰা যাত্ৰী সকলৰ বিষয়ে জানিবলৈ বিস্তাৰাই নিজৰ প্ৰায় ৬ হাজাৰ গ্ৰাহকৰ মাজত এক পৰীক্ষা চলাইছিল । এই পৰীক্ষাৰ অন্তত যাত্ৰা কৰা ৩১ শতাংশ যাত্ৰীৰ মনত ভাইৰাছবিধৰ বাবে বহুতো ভয় আছিল । ২৪ শতাংশ যাত্ৰীৰ সহযোগী যাত্ৰীৰ পৰা ভাইৰাছ সক্ৰমণৰ বাবে ভয় আছিল আৰু ১৫ শতাংশ যাত্ৰীৰ বাবে বিমানৰ উচ্চ মূল্যৰ বাবে চিন্তা আছিল । লগতে ৬৫ শতাংশ যাত্ৰী আগন্তুক ৬ মাহৰ ভিতৰত পুনৰ যাত্ৰা আৰম্ভ কৰিব বুলি জানিব পৰা গৈছে । একেদৰে ৩৫ শতাংশ যাত্ৰীৰ বাবে তেওঁলোকে যাত্ৰা কৰাৰ প্ৰধান কাৰণ হৈছে ব্যৱসায় । একে সময়তে ২০ শতাংশ লোকে পৰৱৰ্তী সময়ত ভাৰতৰ বাহিৰত যাত্ৰা কৰাৰ সম্ভাৱনা আছে । ইয়াৰ ভিতৰতে বহুতে আমেৰিকা, ডুবাই, ছিংগাপুৰত যাবলৈ ইচ্ছা প্ৰকাশ কৰিছে ।
