নিউজ ডেস্ক, 23 ডিচেম্বৰ: দেশজুৰি নাগৰিকত্ব সংশোধনী আইন আৰু ৰাষ্ট্ৰীয় নাগৰিকপঞ্জীৰ বিৰুদ্ধে হৈ থকা প্ৰতিবাদত যিবোৰ হিংসাত্মক ঘটনা সংঘটিত হৈছে সেইবোৰ সচাই বৰ দুৰ্ভাগ্যজনক বুলি মন্তব্য বহুজন সমাজ পাৰ্টীৰ প্ৰধান মায়াৱতীৰ ৷ কেতিয়াও হিংসা সমৰ্থন নকৰে বিএছপিয়ে, সেয়েহে এই হিসাত্মক ঘটনাই কেৱল জনতাৰ ক্ষতি সাধন কৰিব বুলিও কয় নেতাগৰাকীয়ে ৷
যিসকল প্ৰতিবাদকাৰী গ্ৰেপ্তাৰ হৈছে সেইসকলৰ সমৰ্থনত থিয় দিব বিএছপিয়ে ৷ বিষয়টোৰ উচ্চ পৰ্যায়ৰ তদন্ত দাবী কৰি নিৰ্দোষীক মুকলাই দিবলৈও চৰকাৰক দাবী জনায় নেতাগৰাকীয়ে ৷
নাগৰিকত্ব সংশোধনী আইন আৰু ৰাষ্ট্ৰীয় নাগৰিকপঞ্জীৰ বিৰুদ্ধে চলি থকা এই প্ৰতিবাদত উত্তৰ প্ৰদেশত মুঠ 879 জন লোক গ্ৰেপ্তাৰ হোৱাৰ লগতে আটক হয় 5000 জন লোক ৷ লগতে মৃত্যু হয় 15 জন লোকৰ ৷
