নিউজ ডেস্ক,৩১ মাৰ্চঃ দেশত এতিয়া কোভিড-১৯ মহামাৰীৰ বাবে লকডাউন । কেন্দ্ৰীয় চৰকাৰে দেশত ২১ দিনৰ লকডাউন ঘোষণা কৰাৰ পূৰ্বেই কোনো কোনো ৰাজ্যত পূৰ্বতেই ঘোষণা কৰা হৈছিল লকডাউন । শেহতীয়াকৈ উত্তৰ প্ৰদেশত লকডাউনৰ নৱম দিনা পোহৰলৈ আহিছে কেইটামান নিলৰ্জ্জ ঘটনা । লকডাউনৰ সময়ছোৱাত হেল্পলাইন নম্বৰত নিজৰ মন পচন্দৰ খাদ্য বিচাৰি হাহাকাৰ কৰিছে একাংশই ।
তাৎপৰ্য্যপূৰ্ণ কথা হ'ল হেল্পলাইন নম্বৰত একাংশ লোকে ৰছগোল্লা, পান, পিজ্জা, আইছক্ৰীম, ফুটবল বিচাৰি হাহাকাৰ কৰাৰ কথা পোহৰলৈ আহিছে ।
লক্ষ্নৌত পুলিছ হেল্পলাইন নম্বৰত সোমবাৰে এগৰাকী জেষ্ঠ লোকে ফোন কৰি ৰছগোল্লাৰ ব্যৱস্থা কৰি দিয়াৰ আহ্বান জনায় । অৱশ্যে এইয়া কোনো দুষ্ট মনোবৃত্তি অথবা ধেমালীয়া ফোন ক'ল নাছিল । পাচত ছটা ৰছগোল্লা সহ ফোন কৰা ৰাম চন্দ্ৰ প্ৰসাদৰ ঘৰত উপস্থিত হয় প্ৰশাসনৰ লোক । উপস্থিত হৈ গম পায় যে, লোকজন অকলশৰীয়া আৰু Hypoglycemia অৰ্থাৎ মধুময় ৰোগত আক্ৰান্ত । মধুময়ৰ অৱস্থিতি নিম্নমানৰ হৈ পৰাৰ বাবেই লোকজনৰ মুখমণ্ডল হালধীয়া হৈ পৰিছিল । আনহাতে চলাচলো কৰিব পৰা নাছিল লোকজন । পাচত চাৰিটা ৰছগোল্লা খাই সামান্য সুস্থ হৈ উঠে লোকজন । মিঠাইৱালা লোকজন গৃহত অকলে থাকে । তেওঁৰ চাৰি সন্তানেই বিদেশত থাকে । লকডাউনৰ ফলত তেওঁৰ দোকানৰ মিঠাইৰ ষ্টক শেষ হৈ গৈছিল যাৰ বাবেও তেওঁ সহায় এনদৰে সদায় বিচাৰবলগীয়া পৰিস্থিতিৰ সৃষ্টি হৈছিল ।
ইপিনে ৰামপুৰত এগৰাকী লোকে পুলিছ বিষয়াক চাটনি সহ চাৰিটা চিঙৰা পঠিয়াবলৈ ঘনাই ঘনাই পুলিছলৈ ফোন কৰাত পুলিছে চাৰিটা চিঙৰা প্ৰদান কৰে লোকজনক । কিন্তু তাৰ পাচতেই জিলা দণ্ডাধীশে নলা চফা কৰোৱাৰ শাস্তি বিহে লোকজনক । দণ্ডাধীশগৰাকীয়ে কয় যে, লকডাউনৰ অসৎ ব্যৱহাৰ কৰা লোক সকলৰ ওপৰত বিহিত ব্যৱস্থা গ্ৰহণ কৰা হ'ব ।
হেল্পলাইন নম্বৰত বহু ফোন আহিছে । য'ত পিজ্জা, চিঙৰা ইত্যাদি বিচাৰি হাহাকাৰ কৰিছে ৰাইজে । গতিকে এনে ফোনক'লৰ বিৰুদ্ধে আমি শাস্তি বিহাৰ কথা চিন্তা কৰিছো বুলি উল্লখ কৰে । অৱশ্যে জৰুৰী ফোন ক'লৰ ওপৰত অধিক গুৰুত্ব প্ৰদান কৰি আছে আৰক্ষীয়ে । এগৰাকী গৰ্ভৱতী মহিলা শিক্ষকে যেতিয়া সহায়ৰ বাবে ফোন কৰিছিল ততাতৈয়াকৈ তেওঁক খাদ্যৰ যোগান ধৰা হৈছিল ।
অৱশ্যে একাংশই যদি মদ আন একাংশ শিশুৱে আকৌ আইক্ৰীম, কেক, ফুটবল বিচাৰিও হাহাকাৰ কৰিছে ।
