নিউজ ডেস্ক, 2 এপ্ৰিলঃ কংগ্ৰেছৰ শীৰ্ষ নেতাসকলে সভানত্ৰী ছোনিয়া গান্ধীৰ সৈতে কৰ'ণা ভাইৰাচ সংক্ৰমণ আৰু ইয়াৰ ফলত উদ্ভৱ হোৱা সমস্যা সম্পৰ্কে এক আলোচনাত মিলিত হয় । গান্ধীয়ে ঐক্যবদ্ধভাৱে কাম কৰিবলৈ আৰু বিপদত পৰা সকলক সহায় কৰিবলৈ আহ্বান জনাই ।
তেওঁ কয়, 21 দিনৰ লকডাউন দেশত অৱশ্যেই প্ৰয়োজনীয় আছিল । কিন্তু অপৰিকল্পিত ভাবে এই লকডাউন কাৰ্যকৰি কৰাৰ ফলত সমস্যাৰ সৃষ্টি হোৱাৰ লগতে প্ৰৱজক শ্ৰমিক সকলে কষ্ট পাবলগীয়া হৈছে ।
ভিডিঅ' কনফাৰেন্স যোগে হোৱা এই আলোচনাত অংশ লয় প্ৰাক্তন প্ৰধানমন্ত্ৰী ডঃ মনমোহন সিং, ৰাহুল গান্ধীকে ধৰি কেবাগৰাকী জ্যেষ্ঠ নেতাই ।
