নিউজ ডেস্ক, 30 জুনঃ জম্মু কাশ্মীৰৰ অনন্তনাগ জিলাৰ বাঘমাৰাত নিৰাপত্তাৰক্ষীৰ হাতত নিহত হয় দুই সন্ত্ৰাসবাদী ৷ নিহত সন্ত্ৰাসবাদী দুটাৰ পৰা এটা ইনছাচ ৰাইফল আৰু এটা পিষ্টল উদ্ধাৰ কৰে নিৰাপত্তাৰক্ষীৰ দলে ৷ নিহত সন্ত্ৰাসবাদী দুটাই এজন চিআৰপিএফ জোৱানৰ লগতে এমাহ পূৰ্বে বিজবেহাৰ অঞ্চলত এটা 5 বছৰীয়া শিশুক হত্যা কৰিছিল ৷ কাশ্মীৰ আৰক্ষীয়ে প্ৰকাশ কৰে এই কথা ৷
মঙলবাৰে পুৱা জম্মু কাশ্মীৰৰ অনন্তনাগ জিলাত নিৰাপত্তাৰক্ষী আৰু সন্ত্ৰাসবাদীৰ এটা দলৰ মাজত সৃষ্টি হয় সংৰ্ঘষৰ ৷ সংঘৰ্ষত নিৰাপত্তাৰক্ষীৰ হাতত নিহত হয় দুটা সন্ত্ৰাসবাদী ৷ বৰ্তমান অঞ্চলটোত অভিযান অব্যাহত ৰাখিছে নিৰাপত্তাৰক্ষী দলে ৷
লগতে পঢ়ক : শেইলা আইৰিন পন্ট : পাকিস্তানৰ মাদাৰ-ই-ৱতন খিতাপধাৰী আলমোৰাৰ জীয়াৰী
