শ্ৰীনগৰ, 26 জুন : জম্মু কাশ্মীৰৰ পুলৱামা জিলাত নিশা নিৰাপত্তাৰক্ষীৰে হোৱা সংঘৰ্ষত নিহত হয় তিনি সন্ত্ৰাসবাদী ৷ পশ্চিম কাশ্মীৰৰ ট্ৰল জিলাৰ চেৱা উলাৰ অঞ্চলত সন্ত্ৰাসবাদীয়ে আত্মগোপন কৰি থকাৰ তথ্য লাভ কৰাত নিৰাপত্তাৰক্ষীয়ে অঞ্চলটোত ঘেৰাও কৰি সন্ত্ৰাসবাদীৰ সন্ধানত অভিযান অব্যাহত ৰাখিছিল ৷ কিন্তু সন্ত্ৰাসবাদীৰ দলে অভিযানৰ সময়ত নিৰাপত্তাৰক্ষীলৈ লক্ষ্য কৰি গুলিচালনা কৰাত নিৰাপত্তাৰক্ষীৰ দলে ইয়াৰ যোগ্য প্ৰত্যুত্তৰ দিয়ে ৷
জম্মু কাশ্মীৰত নিহত তিনি সন্ত্ৰাসবাদী
নিশা দুইপক্ষৰ মাজত সংঘৰ্ষ অব্যাহত থকাৰ পাছত পুৱা নিৰাপত্তাপৰক্ষীৰ গুলিত মৃত্যু হয় তিনিটা সন্ত্ৰাসবাদীৰ ৷ এই সংঘৰ্ষত দুজন নিৰাপত্তাৰক্ষীও আহত হয় ৷ বৰ্তমান মৃত সন্ত্ৰাসবাদীকেইটাৰ পৰিচয় সন্দৰ্ভত অভিযান অব্যাহত ৰাখিছে নিৰাপত্তাৰক্ষীয়ে ৷
