নিউজ ডেস্ক, ৩১ মাৰ্চঃবিশ্বব্যাপি কোভিড-১৯ ৰ সংহাৰী ৰূপ অব্যাহত আছে । ভাৰততো ইয়াৰ প্ৰভাৱ দেখা পোৱা গৈছে । অত্যাধিক জনবসতী পূৰ্ণ দেশ হিচাপে এই ভাইৰাছৰ ভয়াৱহতাৰ প্ৰতি লক্ষ্য ৰাখিয়ে যোৱা ২৪ মাৰ্চত ২১ দিনৰ বাবে দেশত লকডাউন ঘোষণা কৰে প্ৰধানমন্ত্ৰী নৰেন্দ্ৰ মোডীয়ে । তাৰ পাচতেই এই অভাৱনীয় পৰিস্থিতিৰ সৃষ্টি হৈছে ঠায়ে-ঠায়ে ।
নেপাললৈ কৰ্মসূত্ৰ যোৱা বহু শ্ৰমিক নেপালতো লকডাউন ঘোষণাৰ পাচত ভাৰতলৈ উভতি আহিছিল । কিন্তু ভাৰততো লকডাউন ঘোষণাৰ পাচত এতিয়া ভাৰত-নেপাল সীমান্ততে আৱদ্ধ হ'বলগীয়া হৈছে বহু শ্ৰমিক । দুয়োখন দেশৰ সীমান্ত ইতিমধ্য়েই ছীল কৰা হৈছে । সীমান্ত প্ৰায় হাজাৰ-হাজাৰ লোক আৱদ্ধ হৈ পৰিছে ।
এই খবৰৰ পাচতেই সেই স্থানত উপস্থিত হয় জিলাঅধীকাৰীৰ বিষয়ববীয়া লোক । এই সন্দৰ্ভত সকলো পক্ষৰ লগত বৈঠকত মিলিত হয় বিষয়া সকল । আনকি এই বিষয় সম্পৰ্কে কেন্দ্ৰীয় গৃহমন্ত্ৰী আৰু বৈদেশিক মন্ত্ৰণালয়কো জনোৱা হৈছে বুলি জানিবলৈ দিয়ে । চৰকাৰৰ পৰৱৰ্তী নিৰ্দেশৰ পিচতেই ইয়াৰ ওপৰত ব্যৱস্থা গ্ৰহণ কৰা হ'ব ।
নেপাল চৰকাৰৰ সৈতেও সঘনাই আলোচনা হৈ আছে বুলি উল্লেখ কৰে । দুয়োখন দেশত লকডাউনৰ পাচতেই এই সীমান্ত অঞ্চলত আৰক্ষী, অন্যান্য সুৰক্ষা সংস্থা সমূহ সষ্টম হোৱা পৰিলক্ষিত হৈছে ।
লগতে চাওক- লক ডাউনঃ দৰিদ্ৰৰ বাবে 1.25 কোটি টকা সংগ্ৰহ ছানিয়া মিৰ্জাৰ
